Zvicra me strategji për të luftuar terrorizmin

Këshilli Federal ka miratuar një strategji kundër terrorizmit të punuar nga një grup për sigurinë (KGSi).

Ky dokument përmban aktivitete dhe procese të etabluara në nivel federal dhe kantonal, dhe në këtë mënyrë krijon një bazë të përbashkët të luftës kundër terrorizmit. Qëllimi është për të rritur mbrojtjen e Zvicrës dhe të interesave të saj kundër terrorizmit.

Terrorizmi është një kërcënim për paqen botërore dhe sigurinë ndërkombëtare, si dhe për lirinë dhe sigurinë e Zvicrës dhe interesat e saj në vend dhe jashtë vendit. Zvicra me të gjitha mjetet e saj në dispozicion, është duke luftuar terrorizmin për vite me radhë duke u koordinuar me partnerët e saj të huaj mirëpo duke respektuar të drejtat e njeriut dhe liritë themelore.

Lufta kundër terrorizmit është një përgjegjësi e përbashkët e qeverisë federale, kantoneve dhe komunave. Kjo strategji krijon një bazë të përbashkët për të gjithë partnerët pjesëmarrës të sigurisë. Ajo është e bazuar në një model, i cili synon për të luftuar në mënyrë efikase terrorizmin dhe financimin e tij. Kjo duhet të bëhet në kuadër të Kushtetutës dhe të drejtës ndërkombëtare me theks të veçantë duke respektuar të drejtat themelore të njeriut.

Lufta kundër terrorizmit është përqendruar në katër fusha veprimi: parandalim, sanksionim, mbrojtje dhe gatishmëri ndaj krizaave. Tre të parët kanë  nga parandalimin e sulmeve terroriste në Zvicër. Sepse sulmet terroriste nuk mund të përjashtohen edhe në Zvicër, duhet të sigurohet me gatishmëri ndaj krizave.

Strategjia e Zvicrës kundër-terrorizmit është gjithashtu një model për punën e Task Forcës TETRA, i cili do të paraqesë raportin e tij të dytë në këtë vjeshtë para opinionit zviceran.

Një pjesë e konsiderueshme e masave të përmendura në këtë strategji tashmë janë duke u zbatuar.​