Zvicra me lehtësime të masave, ndërkohë ka mungesa të maskave mbrojtëse

Zvicra po pretendon të rrisë furnizimet komerciale të maskave mbrojtëse

Ajo që nuk ka shkuar mirë në  menaxhimin e COVID-19 në Zvicër është se ky shtet ka përjetuar dhe po vazhdon si e tillë të ketë mungesë të maskave mbrojtëse për shkak të krizës së koronavirusit, transmeton albinfo.ch.

Maska mbetet një preokupim i madh në Zvicër, pasi vendi përgatitet për një lehtësim gradual të kufizimeve të lidhura me koronavirusin, shkruajnë mediat zvicerane.

Që nga e hëna, qeveria do të furnizojë departamentet me miliona maska ​​higjienike, duke u mbështetur në farmacinë e ushtrisë për të kryer shpërndarjen, sipas të përditshmes zvicerane në gjuhën frënge 24 heures.exex. Një sasi  fillestare prej 75 milionë është gati të vihet në qarkullim.

Maska do të shpërndahen në zinxhirët e supermarketeve zvicerane Migros dhe Coop. Migros dhe Coop do të ngarkojnë CHF 19.7 për një komplet prej njëzet copash dhe CHF 39.90 për një komplet prej 50 njësish, sipas raportit. Por jo të gjitha dyqanet pritet të kenë maska ​​në dispozicion ditën e parë dhe secili klient do të ketë të drejtë vetëm për një paketë.

Dyqanet e shitjes me pakicë Manor dhe Landi po kërkojnë gjithashtu të depozitojnë maska ​​të tekstilit deri më 11 maj, që shënon rihapjen e shkollave të detyrueshme. /Albinfo.ch

---