Zvicra kërkon në Nju Jork barazi për gratë

Ilustrim

Ka nisur të hënën në Nju Jork sesioni i 61-të i Komisionit të OKB-së mbi statusin grave në botë. Në qendër të seancës së këtij viti është pavarësia ekonomike e grave.

Pabarazia ndërmjet grave dhe burrave tani është fakt në tërë botën. Sipas Organizatës Ndërkombëtare të Punës (ILO) gratë fitojnë 23 për qind më pak se burrat në mbarë botën. Kjo padrejtësi jo vetëm që është e dëmshme për gratë dhe familjet e tyre, por edhe për tërë shoqërinë. “Lufta kundër pabarazisë së pagave dhe fuqizimi ekonomik i gruas ka një efekt pozitiv në të gjithë ekonominë. Investimet në barazi të pagave janë të vlefshme. “, ka thënë zvicerani Benno Bättig, sekretar i Departamentit Federal të Punëve të Jashtme (EDA), përcjell albinfo.ch

Për këtë arsye, fuqizimi ekonomik i grave nuk është vetëm një çështje e politikës së brendshme, por edhe prioritet i politikës së jashtme të Zvicrës.

Zvicra do të kërkoj në seancën e këtij viti një vlerësim më të mirë dhe njohjes së detyrave dhe kujdesit qe nuk paguhet për gratë në shtëpi. Zvicra do të kërkojë gjithashtu të forcohet roli i grave në sektorin privat.

Qëllimi është për të eliminuar pabarazinë e pagave deri në vitin 2030. Me të ashquajturin test për matjen e pabarazisë pagave në ndërmarrje (Logib), Zvicra luan një rol pionier në promovimin e pagesës së barabartë. Instrumenti që është në dispozicion në 4 gjuhë ka tërhequr vëmendjen  ndërkombëtare. Me Logib, kompanitë me më shumë se 50 të punësuar lehtë mund të përcaktojnë vendndodhjen e tyre kur bëhet fjalë për pagat e barabarta.