Zvicra përballet me Poloninë

Zvicra do të ndeshet me Poloninë të shtunën nga ora 15:00, ku shpresat e zviceranëve janë që të kalojnë tutje

(KEYSTONE/Jean-Christophe Bott)

Ashtu siç është pritur Zvicra do të ndeshet me Poloninë në 1/8 e finaleve të Kampionatit Evropian. Kjo është hera e parë që zviceranët kalojnë fazën e grupeve në paraqitjen e katërt në Kampionatet Evropiane, shkruan albinfo.ch.

Madje, kjo përballje ishte planifikuar qysh para fillimit të Evropianit, duke marrë parasysh se Franca ishte favorite e Grupit A, dhe Gjermania e Grupit C. Zvicra dhe Polonia u renditën të dytat në grupet e tyre.

Për Zvicrën siç dihet luajnë edhe gjashtë futbollistët shqiptarë, Granit Xhaka, Xherdan Shaqiri, Valon Behrami, Admir Mehmedi dhe Blerim Xhemaili, si dhe Shani Tarashaj. Pesë të parët kanë qenë titullarë në fazën e grupeve, derisa debutoi edhe Tarashaj.

Më i miri për Zvicrën deri më tani ka qenë Granit Xhaka, duke impresionuar me paraqitjet e tij, kurse është pritur më shumë nga Shaqiri.