Zvicra do të testojë sistemin e alarmit mbarëkombëtar në orën 13:30

Mos u trembni nëse dëgjoni një sirenë të lartë këtë pasdite në Zvicër

 

Sot, më 2 shkurt, Zvicra do të testojë sistemin e saj të alarmit mbarëkombëtar herët pasdite, me një sirenë shtesë në zonat afër ujit, njofton albinfo.ch.

Mos u trembni nëse dëgjoni një sirenë të lartë këtë pasdite.

Sinjali i alarmit të përgjithshëm do të testohet në mbarë vendin në orën 13:30.

Kjo është disi një traditë zvicerane, pasi ky test kryhet çdo vit të mërkurën e parë të shkurtit.

Sinjali ka për qëllim të paralajmërojë popullatën për një emergjencë ose fatkeqësi të afërt.

Gjithashtu, nga ora 14:15 deri në 15:00 testohet sinjali “water alert”, në zonat që janë afër digave.

Kjo përbëhet nga dymbëdhjetë tone të ulëta të vazhdueshme që zgjasin njëzet sekonda dhe përsëriten në intervale prej dhjetë sekondash.

Në total do të testohen 7200 sisteme alarmi.

---