Zvicra do të intensifikojë kontrollet kufitare gjatë ngjarjeve sportive

(KEYSTONE/Gaetan Bally)

Gjatë Kampionatit Evropian të Futbollit në Gjermani dhe Lojërave Olimpike në Paris, qeveria zvicerane do të shtojë kontrollet kufitare. Arsyeja për këtë është kërcënimi i shtuar i terrorizmit në lidhje me këto ngjarje të mëdha sportive.

Këshilli Federal ka vendosur sot të rrisë kontrollet midis qershorit dhe fillimit të shtatorit. Siguria në Zvicër dhe vendet fqinje duhet të rritet me kontrolle sigurie të shtuara të synuara dhe të kufizuara në kohë, përcjell swissinfo.

Grupi terrorist “Shteti Islamik” ka bërë thirrje për sulme në Kampionatin Evropian të Futbollit dhe Lojërat Olimpike. Shërbimet e inteligjencës vendase dhe të huaja konsiderojnë se kërcënimi terrorist është i lartë, transmeton albinfo.ch. Edhe nëse Zvicra është më pak objektiv, ngjarjet publike si shfaqjet e ndeshjeve janë gjithashtu objektiva të mundshëm për sulme në këtë vend.

Kampionati Evropian i futbollit në Gjermani fillon më 14 qershor. Dy ditët në vijim (15-16 qershor) në Bürgenstock do të mbahet konferenca e paqes në Ukrainë. Lojërat Olimpike dhe Paraolimpike do të zhvillohen nga 26 korriku deri më 8 shtator.