Zvicra do të dhurojë afro 15 milionë vaksina për COVAX

Vaksina - photo Braňo Avatar of user Braňo Braňo @3dparadise @3dparadis

Zvicra do të dhurojë një maksimum prej 15 milionë vaksinash kundër koronavirusit në gjysmën e parë të këtij viti për nismën COVAX për shpërndarje të barabartë të vaksinave, përcjell albinfo.ch.

Me një total prej 34 milionë vaksinash të disponueshme për vitin 2022, popullsia zvicerane prej 8.7 milionë është më se e mbuluar – edhe në rastin e një fushate tjetër përforcuese, tha qeveria të mërkurën.

Si e tillë, ajo do të vërë në dispozicion një maksimum prej 15 milionë injeksionesh për iniciativën COVAX, projekti shumëpalësh për kanalizimin e vaksinave nga vendet më të pasura drejt vendeve më të varfra në një përpjekje për të reduktuar pabarazitë, përcjell tutje albinfo.ch.