Zviceranët, populli më inovativ në botë!

Në vendin e dytë, sipas për inovativitet vjen SIngapuri ndërsa në të tretin Suedia. Gjermania radhitet në vendin e katërt

Zvicra, vendi më inovativ në botë. Këtë titull ia ka njohur Zvicrës Federata gjermane e Industrisë BDI, e cila në një ranglistë prej 26 vendeve industriale të botës i ka dhënë Zvicrës notat më të mira.

Shkalla e lartë e inovacioneve për të cilën është vlerësuar Zvicra haset më së shumti në fushë të ekonomisë dhe të shkencës dhe ajo vjen në radhë të parë si rezultat i demokracisë së drejtpërdrejtë, thonë përzgjedhësit.

Në vendin e dytë, pas Zvicrës, sipas shkallës së inovativitetit vjen SIngapuri ndërsa në të tretin Suedia. Gjer,ma radhitet në vendin e katërt.

Për ndërtimin e kësaj rangliste janë marrë parasysh 38 kritere si krijimi i vlerave për një orë pune, pastaj numri i absolventëve të shkollave të larta etj.

Sikur asnjë vend tjetër në botë, thuhet në studimin e publikuar me këtë rast, Zvicra po ia del që prej shumë vitesh t`i mbajë në distancë, mbrapa vetes, vendet tjera pretenduese në këtë drejtim.