Zviceranët, numër një për hekurudhë

Në asnjë vend të Evropës nuk shfrytëzohet treni kaq shumë si mjet i transportit publik sikur në Zvicër. Kjo gjendje është prej vitesh kështu dhe Zvicra edhe më tutje vazhdon të jetë me distancë të madhe vendi numër një i trenave në kontinentin e vjetër.

Shifrat e prezantuara nga Zyra Evropiane për statistikë tregon se mesatarisht një zviceran kalon brenda vitit 2460 kilometra mbi binarët hekurudhorë.

Në vendin e dytë, pas Zvicrës vjen Franca me 1370 kilometra për person dhe pas saj Austria me 1280 kilometra.

Vendet e fundit për nga shfrytëzimi i trenit si mjet transporti të udhëtarëve janë Greqia, Lituania dhe Turqia.