Zvicër: Programet shkollore, në harmonizim e sipër

Arsimimi i detyrueshëm kurrë nuk ka qenë kaq shumë i harmonizuar në Zvicër. Ky është bilanci që kanë hedhur të mërkurën ministrat kantonalë të  arsimit nëntë vjet pas fillimit të përmirësimit të modaliteteve të shkollave në 26 kantone.

Në të gjitha fushat, përveç gjuhës, kantonet kanë bërë harmonizime. Nga viti shkollor 2015/2016, 17 kantonet së bashku që përfaqësojnë 87% të popullsisë do të propozojnë dy vjet parashkollor të detyrueshëm. Të gjitha kantonet frankofone do të jenë të prekura nga ky vendim. Ndërsa në njëmbëdhjetë kantonet e tjera prindërit do të kenë akoma mundësinë të zgjedhin, u theksua në Konferencën e Drejtorëve të Arsimit (EDK), nëpërmes një deklarate.

Që nga shtatori i ardhshëm niveli i mesëm do të zgjasë për herë të parë tre vjet në të gjitha kantonet gjermanofolëse dhe frankofone. Në 20 kantone, të cilët përfaqësojnë  94% të popullsisë, shkolla do të fillojë në moshën 4- vjeçare.
Sa u përket programeve, kantonet kanë miratuar vitet e fundit instrumentet e nevojshme për harmonizim.