Zvicër: Akademi Përkujtimore me rastin e 19-vjetorit të ndarjes nga jeta të Ibrahim Rugovës

Më 26 janar, nga ora 13:00, dega e parë e Lidhjes Demokratike të Kosovës në Zvicër do të organizojë Akademi Përkujtimore për të nderuar figurën dhe veprën e ish-presidentit, Ibrahim Rugova, me rastin e 19 vjetorit të ndarjes nga jeta.

Sipas njoftimit, ngjarja do të mbahet në zyrën e LDK-së në Dietlikon.

“Me rastin e 19-vjetorit të ndarjes nga jeta të Presidentit Dr. Ibrahim Rugova, Dega e Parë e LDK-së në Zvicër ju fton të merrni pjesë në Akademinë Përkujtimore që organizohet për të nderuar figurën dhe veprën e tij. Adresa: Industriestrasse 12, 8305 Dietlikon, Zvicër, Zyra e LDK-së. Të bashkohemi për të kujtuar dhe vlerësuar trashëgiminë e arkitektit të shtetit të Kosovës”, thuhet në njoftim, transmeton albinfo.ch.