Lajme

Zvicër: 66 infeksione të reja, asnjë i vdekur dhe asnjë hospitalizim i ri

Gjat javës së kaluar ka pasur numra më të lartë të infeksioneve. 210 raste ishin raportuar të premten, 220 të enjten, 193 të mërkurën etj.

E hënë, 3 Gusht 2020 - 15:55 albinfo.ch

(KEYSTONE/Anthony Anex)

Zyra Federale e shëndetit Publik (BAG) ka njoftuar sot, të hënën, për 66 raste të reja të infeksionit me Covid-19, të raportuara brenda 24 orëve të fundit, shkrun SDA.

Ky numër është dukshëm më i vogël se ai i regjistruar dje (e dielë), 138. Po ashtu gjatë gjithë javës së kaluar ka pasur numra më të lartë të infeksioneve, përcjell albinfo.ch. Kështu, 210 raste ishin raportuar të premten, 220 të enjten, 193 të mërkurën dhe 132 të martën.

Brnda 24 orëve të fundit nuk është regjistruar asnjë rast i ri vdekjeje dhe po ashtu asnjë rast hospitalkizimi, transmeton albinfo.ch.

Sipas BAG, deri më tani në Zvicër dhe Lihtenshtajn janë 1707 të vdekur nga Covid-19.