Zvicër: 425 infeksione të reja brenda një dite

Ky numër rrit mesataren e 7 ditëve të kaluara në 313 që është për 10% më shumë se në javën e kaluar

Zyra Federale e Shëndetit Publik ka raportuar në pasditen e sotme 425 raste të reja infeksioni me covid-19.

Ky numër rrit mesataren e 7 ditëve të kaluara në 313 që është për 10% më shumë se në javën e kaluar. Kështu që tendenca po shkon drejt rritjes, shkruan srf.ch.

një numër i tillë infeksionesh është regjistruar së fundi në mesin e prillit, kur ishte pothuaj kulmi i pandemisë. Megjithatë, numri i të sëmurëve rëndë është dukshëm më i vogël, shkruan albinfo.ch. Po ashtu, gjatë disa ditëve të fundit nuk ka pasur asnjë të vdekur.

Shkalla mesatare 7-ditore e rasteve që rezultojnë pozitivisht aktualisht është 3%. Kjo do të thotë se nga 100 teste, rreth 3 teste ishin pozitive.

Sipas OBSH-së, numri i testimeve dhe ai i rasteve sigurojnë një pamje të besueshme të përhapjes së koronavirusit nëse norma pozitive është nën 5 për qind.

Numri i testimeve gjatë shtatë ditëve të fundit ishte mesatarisht 11,609 në ditë dhe kështu është rritur me 25% krahasuar me javën e mëparshme.

Kantonet nuk kanë raportuar asnjë rast të ri vdekjeje. Ndërkohë, 103 shtretër spitalorë janë aktualisht të zënë nga pacientët me Covid 19. Ky numër është për 10 persona më shumë se në javën e kaluar.

---