Lajme
Zvicër: 140 kilogramë kokainë, në kutitë e bananeve
Droga u gjet së pari në një kuti bananeje që kishte mbërritur nga Amsterdami
Kokaina që peshonte rreth 140 kilogramë u gjet në disa kuti bananeje në supermarkete Coop nëpër Zvicër, shkruan The local.ch.
Sipas informacioneve, thuhet se kokaina u gjet në kuti bananeje në disa degë të zinxhirit të supermarketeve në kantonet e Shën Gallen, Glarus, Graubünden dhe Ticino, transmeton albinfo.ch.
Siç është raportuar në gazetën zvicerane 20 Minuta, të paktën 50 kilogramë u gjetën në një lokacion Coop në Haag, St Gallen.
Thuhet se drogat u gjetën së pari në një kuti bananeje që kishte mbërritur nga Amsterdami, pas së cilës u urdhërua që Coop në gjithë Zvicrën të kontrollojë të gjitha dërgesat e tyre të bananeve.
Kokaina nuk ishte e fshehur në vetë banane, por ishte vendosur në kuti – së bashku me shënime.
Nga ana tjetër, prokuroria Federale i tha 20 Minuta se kutitë kishin mbërritur nga Holanda dhe kokaina pritej të kishte mbërritur me anije nga Amerika e Jugut, përcjell tutje albinfo.ch.
Vlera e vlerësuar në rrugë e kësaj sasie thuhet se është disa miliona franga.
Ky nuk është shembulli i parë i tillë në Evropë. Siç është raportuar nga The Local në vitin 2019, rreth 500 kilogramë kokainë u gjet në kuti bananeje në Gjermaninë veriore, përcjell albinfo.ch.
Kutitë u dorëzuan në disa degë të supermarketit gjerman Aldi. /Albinfo.ch
Të ngjashme
Të tjera nga Lajme
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Cila është vaksina e rriqrave në Austri dhe a duhet ta merrni atë? Me rritjen e temperaturave dhe fillimin e sezonit të rriqrave, cila është vaksina e Austrisë ndaj...
-
Si të mos ‘përplaseni’ nga një tren austriak i mbipopulluar?
-
Çfarë më lejohet të bëj në ballkonin tim në Austri?
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?