Zuppiger tërheq kandidaturën

Këtë e ka bërë të ditur ai në një konferencë të jashtëzakonshme për medie që ka organizuar sot pasdite SVP-UDC në Bernë

I përballur me akuzat për tentim përvetësimi të parave të huaja, kandidati i derisotshëm i SVP-UDC-së për Këshillin Federal (Qeverinë) të Zvicrës, Bruno Zuppiger ka tërhequr kandidaturën. Këtë e ka bërë të ditur ai në një konferencë të jashtëzakonshme për medie që ka organizuar sot pasdite partia e tij në Bernë.

Ndaj politikanit Zuppiger gazeta Weltwoche kishte ngritur akuzat se ai mbajtur për një kohë të gjatë në konton e tij të hollat (265 mijë franga) që një punëtor i firmës së tij i kishte lënë testament për shoqatat humanitare.

Zuppiger e kishte shpjeguar këtë si një gabim të bërë nga administrata e tij dhe se për këtë e kishte njotuar kreun partisë.