Lajme

Zug: Ligji i ri për taksën e trafikut shtyhet për vitin 2027

E mërkurë, 11 Qershor 2025 - 18:20 albinfo.ch

(KEYSTONE/Gaetan Bally)

Qeveria kantonale e Zug njoftoi se hyrja në fuqi e ligjit të ri për taksimin e automjeteve do të shtyhet për më 1 janar 2027, për shkak të kompleksitetit të llogaritjes dhe kohës që nevojitet për zbatimin e tij, shkruan Blick, përcjell albinfo.ch.

Ky ligj i ri, i miratuar nga parlamenti kantonal në tetor 2024, përmban një bonus për automjetet me efikasitet të lartë energjetik.

Në të ardhmen, taksa e trafikut për automjetet e pasagjerëve dhe motoçikletat do të llogaritet bazuar në peshën dhe fuqinë e automjetit, duke lënë pas metodën aktuale që bazohet në kapacitetin e motorit, përcjell albinfo.ch.