Zuckerberg dhuron 3 miliardë dollarë për hulumtime mjekësore

Ndërkaq Zuckerberg dhe Chan qysh në vitin e kaluar patën kumtuar se gjatë gjithë jetës së tyre do t`i dhurojnë 99 për qind të të gjitha aksioneve që kanë në Facebook

Mark Zuckerberg, themeluesi dhe pronari i rrjetit më të madh social në botë, facebook-ut ka vendosur që së bashku me bashkëshorten, Priscilla Chan gjatë dhjetë viteve të ardhshme të investojnë tre miliardë dollarë për luftimin e sëmundjeve.

Paratë në fjalë duhet të derdhen në projekte të hulumtimeve mjekësore ndërsa synimi i magnatit të madh është, veç tjerash stimulimi i bashkëpunimit në mes të studiuesve të mjekësisë dhe inxhinierëve për të zhvilluar dhe promovuar teknologji, të reja për të çuar përpara hulumtimet në këtë drejtim.

Projekti në fjalë do të udhëhiqet nga studiuesja  neuroneve dhe ekspertja e gjenetikës, Cori Bargmann. Ndërkaq Zuckerberg dhe Chan qysh në vitin e kaluar patën kumtuar se gjatë gjithë jetës së tyre do t`i dhurojnë 99 për qind të të gjitha aksioneve  që kanë në Facebook, shkruan faz.de. Me atë rast madje, siç e vënë re mediat, ai ishte treguar jo sa duhet modest, duke pretenduar se me donacionet e tij do të mundësonte shërimin e të gjitha sëmundjeve në botë!