Zjarret për hakmarrje politike

Zjarret që kanë shpërthyer nëpër disa qytete të Maqedonisë, janë të qëllimshme dhe mund të shkaktohen si rezultat i hakmarrjeve politike

Më shumë se 3000 mijë hektarë pyje janë djegur këtë vit në Maqedoni, ndërsa nga Drejtoria për Mbrojtje dhe Shpëtim është raportuar për më shumë se 1000 zjarre. Vetëm muajin e kaluar tre persona kanë vdekur dhe 13 të tjerë janë lënduar në një zjarr që kishte përfshi pyjet për rreth qytetit Strumicë të Maqedonisë. Mirëpo ndryshe nga shtetet tjera, të cilat gjithashtu nuk iu kanë shpëtuar zjarreve për shkak të temperaturat e larta tropikale që kanë përfshirë dy muajt e fundit Ballkanin Perëndimor,  në Maqedoni zjarret kanë marrë karakter politik. Madje dyshohet se për shkak të marrëdhënieve të tendosura ndëretnike, janë “piromanët” që kanë shkaktuar këto zjarre. Drejtori i Drejtorisë për Mbrojtje dhe Shpëtim, Shaban Saliu i ka thënë TCH, se zjarret që kanë shpërthyer nëpër disa qytete të Maqedonisë, janë të qëllimshme dhe mund të shkaktohen si rezultat i hakmarrjeve politike. “Shumë nga zjarret janë shkaktuar nga faktori njeri. Kemi vënie të qëllimshme të zjarreve dhe ajo që po ndodh, bëhet për përfitim kundërligjor, siç është prerja e drunjve dhe mbledhja e një lloj kërpudhash e cila në treg ka çmim të lartë. Por ka edhe disa arsye tjera, bëhet fjalë për njerëz që shkaktojnë zjarre edhe për qërim të hesapeve politike”, ka thënë Saliu. Aktualisht, në Maqedoni, sipas tij, janë aktivë tyri zjarre, përfshirë edhe një zjarr në Parkun nacional “Jasen” afër Shkupit. “Problem më të madh për momentin përbën mali ‘Jasen’ ku po digjen pyje cilësore të mbjella me pisha edhe atë në hapësirë prej 60 hektarëve”, tha Salihu. Ndryshe, më herët është raportuar edhe për djegien e qindra hektarëve të pyjeve në zonat e Banuara me shqiptarë në karadaken e Kumanovës, por edhe në fshatrat shqiptare të Malësisë së Shkupit.