Zhegrova vlerësohet në mediat e huaja për supergolin e tij

Futbollisti i Kombëtares së Kosovës, Edon Zhegrova, ka shënuar gol të bukur me skuadrën e tij, FC Basel,  në kuadër të Superligës së Zvicrës, në ndeshjen me Zurichun.

Zhegrovës, i cili u inkuadrua në minutën e 73-të, në vend të Kevin Buas, iu deshën vetëm shtatë minuta për të shënuar golin, në kuadër të Superligës zvicerane, në takimin me FC Zurichun, shkruan Insporti

Anësori kosovar ka pasur shumë pak hapësirë për Baselin, klubin në të cilin është i huazuar deri në verën e 2020-ës, duke i bërë vetëm katër paraqitje si titullar dhe shtatë si zëvendësues. Në takimin e sotëm, mesfushori i Shqipërisë, Taulant Xhaka, asistoi dy herë, duke bërë një paraqitje të mirë.

Pas tetë javëve të para, Baseli është lider i Superligës me 19 pikë, tri më shumë se kampioni në fuqi, Young Boys.