Lajme

Zgjidhet kryetari i Gjykatës Kushtetuese të Kosovës, ja kush do ta drejtojë institucionin nga janari

Gjyqtari Nexhmi Rexhepi është zgjedhur të martën kryetar i Gjykatës Kushtetuese të Kosovës

E martë, 10 Dhjetor 2024 - 14:03 albinfo.ch

Gjyqtari Nexhmi Rexhepi është zgjedhur të martën kryetar i Gjykatës Kushtetuese të Kosovës.

Sipas njoftimit të gjykatës, Rexhepi do ta nisë mandatin më 31 dhjetor të këtij viti, pasi kryetares aktuale, Gresa Caka – Nimani, i përfundon mandati nëntëvjeçar i gjyqtares në këtë institucion.

Gjyqtari Safet Hoxha është zgjedhur zëvendëskryetar i gjykatës në përbërjen e re.

Gjyqtarët emërohen nga presidenti i shtetit, me propozim të Kuvendit, për një mandat nëntëvjeçar, pa mundësi vazhdimi.

Ndërsa pozita e kryetarit të Gjykatës Kushtetuese është tre vjet.

Gjykata Kushtetuese është autoriteti më i lartë në Republikën e Kosovës për interpretimin e Kushtetutës dhe përputhshmërisë së ligjeve me Kushtetutën.

 

 Të tjera nga Lajme

Diaspora dhe institucionet britanike mbështesin Fakultetin e Mjekësisë në Prishtinë me manuale klinike

 E-Diaspora

 Jeta në Austri