Zëvendëskryeministri i Serbisë thotë se kanë arrestuar një ish-ushtar të UÇK-së

Zëvendëskryeministri i Serbisë, Ivica Daçiq, njëherësh ministër i Punëve të Brendshme atje, ka deklaruar se në pikën kufitare mes Hungarisë dhe Serbisë, atë të Horgoshit, mëngjesin e sotëm kanë arrestuar një ish-pjesëtar të Ushtrisë Çlirimtare të Kosovës.

Mediat në Serbi kanë raportuar se “M.I. është i dyshuar për krime lufte… sipas urdhrit të Prokurorisë Publike për Krime Lufte, të dyshuarit i caktohet masa e ndalimit deri në 48 orë dhe më pas me kallëzim penal do të dërgohet në Prokurorinë Publike për Krime Lufte”, transmeton albinfo.ch.

“Për shkak të veprimeve hetimore që po kryhen nga Prokuroria Publike për Krime Lufte, nuk jemi në gjendje të japim më shumë detaje për të mos rrezikuar hetimet”, citohet të ketë thënë Daçiqi.

Deri më tani nuk ka ndonjë informatë nga autoritetet në Kosovë në lidhje me rastin.