Zbulohet shtatorja e Idriz Seferit në Gjilan

Presidenti i Kosovës, Hashim Thaçi si dhe ai i Shqipërisë, Ilir Meta, nën shoqërinë e kryetarit të Gjilanit, Lutfi Haziri kanë zbuluar shtatoren e heroit kombëtar Idriz Seferit.

Ky zbulim i shtatores, u bë nën një ceremoni të lartë të organizuar shtetërore, përcjell albinfo.ch.

Komuna e Gjilanit organizoi pritjen zyrtare me gardën ceremoniale të FSK-së për presidentët Hashim Thaçi dhe Ilir Meta. Ata u pritën nga garda ceremonial e FSK-së, tek Platoja e Teatrit të qytetit.

Dy presidentët ai i Shqipërisë, Ilir Meta dhe presidenti i Kosovës, Hashim Thaçi, kanë marrë pjesë në zbulimin e shtatores së heroit të kombit Idriz Seferi, si dhe do të jenë prezent në hapjen solemne të Darkës së Lamës nga kryetari i Gjilanit, Lutfi Haziri.

Kujtojmë se sot presidenti i Kosovës, Hashim Thaçi ka bërë homazhe te shtatorja e heroit të Kosovës, Zahir Pajazitit dhe te varri i ish-presidentit të Kosovës, Ibrahim Rugovës në Prishtinë.