Zbulohet manipulimi i bankomatëve në Austri

Një turist amerikan, i cili ishte për vizitë në Vjenë të Austrisë, zbuloi një pajisje ilegale, e cila ishte vendosur në bankomatin e njërës nga bankat austriake në sheshin “Stephanplatz”, në qendër të Vjenës, raporton albinfo.ch.

Sipas mediave austriake, pajisja dyshohet se ishte vendosur nga dikush për të vjedhur detajet e kartelës së bankës.

Turisti këtë mashtrim e zbuloi derisa dëshironte të tërhiqte para nga bankomati. Pajisja ishte thuajse identike, por dyshimi i turistit erdhi pasi që ajo ishte e papastër. Pasi e ka zbuluar këtë mashtrim, ai e ka hedhur në youtube, e cila deri më tash ka marrë miliona klikime.

Mediat rekomandojnë qytetarët që të kontrollojnë bankomatin para se të fusin kartelën e tyre. Ndërsa, po qe se gjeni ndonjë manipulim të tillë, të lajmëroni menjëherë policinë.

Për më shumë, shikoni videon:https://www.youtube.com/watch?v=ll4f0Wim4pM