Zbulohet e vërteta për zhdukjen e gazetarit të Arabisë Saudite

Ishte raportuar se ishte zhdukur pasi kishte hyrë në konsullatën saudite në Stamboll.

Gazetari Jamal Khashoggi nga Arabaia Saudite kishte hyrë në konsullatën sauditë në Stamboll dhe nga aty nuk doli më.

Për disa javë u dhanë versione të ndryshme, për zhdukjen e më pas vdekjen e tij.

Në anën tjetër, Presidenti Rexhep Taip Erdogan kishte kërkuar, hetim të plotë në lidhje me zbardhjen e rastit të gazetarit saudit, shkruan Albinfo.ch.

Mediat amerikane, kanë raportuar se Arabia Saudite ka pranuar se gazetari Jamal Khashoggi vdiq brenda konsullatës saudite në Stamboll.

Sipas një prokurorit saudit, gazetari ishte përfshirë në një përleshje që ka rezultuar në vdekjen e tij.

Sipas prokurorit 18 persona janë arrestuar.

Gazetari saudit, Jamal Khashoggi, i cili ka punuar si kolumnist për Washington Post, ka qenë kritik i ashpër i Arabisë Saudite.

Më 2 tetor të këtij viti, ai ka hyrë në konsullatën sauditë në Stamboll të Turqisë për të nxjerrë disa dokumente dhe nuk është parë duke dalë nga aty.

Autoritetet turke besojnë se gazetari u vra brenda konsullatës, akuzë kjo që Arabia Saudite e ka mohuar deri tani.