Zbulohet arsenal armësh te një ekstremist i djathtë

Policia e Gjenevës ka gjetur një arsenal të vërtetë armësh zjarri dhe municioni në banesën e një personi të dyshuar për ekstremizëm të djathtë. Duke përshkruar «prenë», prokurori shtetëror i Gjenevës Olivier Jornot është shprehur për zbulimin e një «arsenali të pabesueshëm».

Ky arsenal është gjetur dhe konfiskuar në mbrëmjen e të enjtes, shkruan srf.ch. Në mesin e amëve të fshehura në banesën e përmendur ka një numër të pacaktuar kallashnikovësh, pushkësh automaike amerikane të tipit M16, municion etj. Gjetja në këtë arsenal edhe e një flamuri të Rajhut të Tretë (nazist), përforcon dyshimet për përkatësinë e pronarit në skenën e ekstremit të djathtë.

Prokurori ka theksuar se gjetjet nuk kanë të bëjnë me kërcënimet terroriste të para disa ditëve që tronditën Gjenevën.

Bastisja e banessës dhe zbulimi i arsenalit ka ndodhur pas alarmimim të policisë nga një qytetar.