Zbulohen raste të gripit të shpendëve në Wil

Të gjitha afërsisht 50 kafshët që mbaheshin në pellgun e prekur nga sëmundja, duhet të eliminohen

Katër rosa dhe një mjellmë kanë ngordhur nga gripi i shpendëve në një pellg në Wil, St. Gallen. Të gjitha afërsisht 50 kafshët që mbaheshin atje duhet të eliminohen, transmeton albinfo.ch. Kjo bëhet për të parandaluar përhapjen e mëtejshme të gripit të shpendëve, sipas zyrës kantonale veterinare.

Gripi i shpendëve konsiderohet të jetë sjellë këtu nëpërmjet  shpendëve të egër.

Gripi i shpendëve është një sëmundje shumë ngjitëse e kafshëve por pa rrezik për njerëzit. Sipas qeverisë federale, produktet e shpendëve si pula mund të konsumohen ende pa shqetësim, raporton srf.ch.

Megjithatë, publiku mund të ndihmojë në parandalimin e përhapjes së virusit. Njerëzit duhet të mbajnë distancë nga shpendët e egër të ngordhur ose të sëmurë dhe nuk duhet t’i prekin ata. Ata duhet të raportohen te rojtari i gjahut, policia ose shërbimi veterinar kantonal, dhe më pas do të mblidhen dhe analizohen.

Sipas qeverisë federale, ky monitorim bën të mundur zbulimin e shpejtë të çdo qarkullimi të mundshëm të virusit në Zvicër dhe përshtatjen e masave sipas nevojës.

---