YouTube ndëshkon yllin që shfaqi një të vetëvrarë në video

YouTube ka marrë masa disiplinore ndaj yllit Logan Paul pas videos së postuar muajin e shkuar, ku ai shfaqi një person të vetëvrarë në Japoni.

Paul është larguar nga një shërbim i reklamave që u ofrohen brendeve në YouTube. Kompania po ashtu ka thënë se ai nuk do të përfshihet në serinë origjinale të YouTubet “Foursome”.

YouTube është kompani e Google-it dhe krijuesit si Paul fitojnë para përmes shërbimeve reklamuese.

Në një postim të fundit, gjiganti teknologjik ka treguar se vendimin për përjashtim nga mundësia e reklamave e ka marrë për shkak të shkeljes së rregullave me videon e postuar, transmeton Albinfo.ch.

“Vetëvrasja nuk është shaka, as që duhet të jetë ndonjëherë diçka që incizohet për shikime”, ka shkruar YouTube.

Paul kishte kërkuar falje pas postimit të videos, ndërsa tre ditë pasi e kishte postuar atë kishte thënë se do të largohet për një kohë nga postimet për të gjetur kohë për reflektim.

Video e yllit të YouTubet me një të vetëvrarë zgjon debat në botë