Young Boys e kërkon Xhemailin

Skuadra e madhe zvicerane, Young Boys që ka shprehur interesim për ta transferuar Blerim Xhemailin

Blerim Xhemaili mund ta mbyllë aventurën e tij në Serie A te Genoa. Një rikthim në Zvicër është hipotezë për mesfushorin shqiptar të Përfaqësueses së Zvicrës, shkruan albinfo.ch.

Është skuadra e madhe zvicerane, Young Boys që ka shprehur interesim për ta transferuar Xhemailin. Sipas mediave zvicerane, Young Boys i ka ofruar kontratë trevjeçare mesfushorit nga Maqedonia.

Mbetet të shihet nëse 30-vjeçari do të pranojë një rikthim në kampionatin zviceran ku më parë ishte pjesë e Zurichut. Ai ishte pjesë e Zvicrës në Kampionatin Evropian, madje duke treguar lojëra shumë të mira.

Gjithashtu lojëra të mira tregoi te skuadra italiane Genoa, ku luajti sezonin e kaluar, si i huazuar nga Galatasaray.