Yjet e Realit pajisen me Audit e rinj

Futbollistët e Real Madridit kanë marrë superveturat e tyre të reja dhuratë nga sponsori i skuadrës, Audi.

Kompania gjermane ka bashkuar forcat me gjigantin evropian në vitin 2003 dhe që nga ajo kohë ka dhuruar për lojtarët modelet më të fundit çdo vit.

Kjo ndodhi edhe sivjet. Vetura më e pëlqyer e futbollistëve ishte modeli Q7 të cilin tani e posedojnë 14 futbollistë, transmeton Albinfo.ch.

Superylli i skuadrës Cristiano Ronaldo zgjodhi një Panther Black RS7 Sportback Performance, ndërsa trajneri Zinedine Zidane mori çelësat e një Daytona Gray RS6 Avanta Performance.

Modeli më i shtrenjtë i zgjedhur ishte një model Ibis White R8 Spyder që tani i takon Sergio Ramosit.