Xherdan Shaqiri, ylli i Zvicrës

Futbollisti shqiptar po përgatit për një tjetër ngjarje të rëndësishme në karrierën e tij

Xherdan Shaqiri është një nga futbollistët më të mirë e të suksesshëm shqiptar, shkruan albinfo.ch.

Shaqiri ka 123 ndeshje me Zvicrën, duke qenë i dyti pas Granit Xhakës. Ai është shënuesi i katërt më i miri në histori me 31 gola, derisa Alexander Frei ka 42 gola.

Shaqiri nga viti 2010 është pjesë e Zvicrës, duke qenë njëri nga lojtarët më të dalluar të Natit.

Ai u përzgjodh nga Ottmar Hitzfield për Botërorin e 2010 e më pas mori pjesë në të gjitha ngjarjet madhore me Zvicrën.

Luajti në Botërorin e 2014, Euro 2016, Botërorin 2018, Euro 2020 dhe Botërorin 2022.

Në Euro 2016, goli i tij ndaj Polonisë ishte më i miri i Evropianit.

Xherdani ka fituar tri herë titullin në Zvicër me Baselin dhe dy herë Kupën e Zvicrës, tri herë fitoi titullin në Gjermani me Bayernin, Kupën e Gjermanisë, Superkupën e Gjermanisë, Ligën e Kampionëve, Superkupën e Evropës, dhe Botërorin për klube.

Fitoi titullin në Angli me Liverpoolin, Ligën e Kampionëve, Superkupën e Evropës dhe Botërorin për klube.

Dy herë u shpall futbollisti më i mirë i Zvicrës, më 2011 dhe 2012.

---