Xhemaili më afër Bolognas

Sipas Gianluca di Marzio ish-mesfushori i Napolit aktualisht është duke provuar të zgjidh kontratën e tij me Galatasarayn

E ardhmja e mesfushorit shqiptar, Blerim Xhemailit mund të jetë te Bologna. Sipas Gianluca di Marzio ish-mesfushori i Napolit aktualisht është duke provuar të zgjidh kontratën e tij me Galatasarayn, shkruan albinfo.ch.

Pas një zgjidhje me klubin turk, atëherë do të negociohet me drejtuesit e klubit nga Serie A. Gjithsesi nuk përjashtohet një transferim i mundshëm i tij në MLS te skuadra e Montreal Impact, ku aktivizohet edhe ylli afrikan Didier Drogba. Montreal dhe Bologna kanë pronarë të njëjtë, andaj ai mund të transferohet fillimisht në Itali, e më pastaj edhe në Amerikë.

Kartoni i Xhemailit kushton rreth katër milionë funte. Ai kishte paraqitje mjaft të mira me Zvicrën në Kampionatin Evropian në Francë. Zvicra u eliminua nga Polonia.