Xhamia Shqiptare në Lozanë bën me banesë një familje në Shtime

Mërgimtarët nga diaspora vazhdojnë të kontribuojnë për vendlindjen e tyre në forma të ndryshme.

Qendra Shqiptare për Integrim, Kulturë dhe Religjion në Lozanë ka grumbulluar të ardhura, që i janë dhënë Shoqatës “Jetimat e Ballkanit”, që i kanë blerë një banesë, një familje nga Komuna e Shtimes, shkruan albinfo.ch.

“Shtatë fëmijë i kishin vdekur, i lind fëmija i tetë, Ensari, i cili pasi i mbush katër vjet i vdes babai. Nëna Nezafete Ferati nga qyteti i Shtimes asnjëherë nuk kishte pas shtëpi të veten. Falënderojmë shumë Haxhi Sinan Hoxha, i cili mori iniciativë për të grumbulluar mjete në xhaminë shqiptare të Llozanës për ta blerë këtë banesë. Falënderojmë të gjithë xhematin, hoxhën dhe kryesinë e Qendrës Shqiptare për Integrim, Kulturë dhe Religjion që iu përgjigjen Sinan Hoxhës dhe arritën të grumbullojnë shumën e banesës. Banesa është 65 metra katror dhe ka kushtuar 17.500 euro”, shkruan kjo Shoqatë në “Facebook”.