Xhaka kapiten i parë, Shaqiri i dyti

Granit Xhaka do të jetë kapiten i Zvicrës për ndeshjet ndaj Belgjikës dhe Islandës, kurse Xherdan Shaqiri zëvendëskapiten

Zvicra ka filluar përgatitjet për dy ndeshjet e muajit tetor. Trajneri i ekipit, Vladimir Petkoviq ka folur për dy ndeshjet, kundër Belgjikës në Ligën e Kombeve të premten, dhe të hënën ndaj Islandës në Rejkjavik, shkruan ‘Blick’.

Ai foli fillimisht për lënien jashtë të kapitenit Stephan Lichtsteiner. “Kam rënë dakord me të, se ai nuk do të luaj në ndeshjet e muajit tetor”, theksoi trajneri Petkoviq, përcjell albinfo.ch.

Granit Xhaka do të jetë kapiten i parë, duke u pasuar nga Xherdan Shaqiri dhe portieri Yann Sommer.

Petkoviq, kështu përgjigjet për kapitenët: “Ne kemi 11 kapitenë në fushë”.

---