Xhaferi: Maqedonia duhet të votojë pro Kosovës në Unesco

“Nuk ka alternativë tjetër për UNESCO-n, pasi Maqedonia ka pranuar pavarësinë e Kosovës dhe nuk ka arsye të sillet ndryshe në kontekst të marrëdhënieve ndërkombëtare"

Kreu i kuvendit të Maqedonisë, Talat Xhaferi në një intervistë për televizionin publik të Kosovës ka deklaruar se Maqedonia do të votojë për pranimin e Kosovës në UNESCO, nga se nuk ka alternativë tjetër.

“Nuk ka alternativë tjetër për UNESCO-n, pasi Maqedonia ka pranuar pavarësinë e Kosovës dhe nuk ka arsye të sillet ndryshe në kontekst të marrëdhënieve ndërkombëtare, edhe përkundër asaj që Serbia kërcënohet me masa reciprociteti në lidhje me çështjen e emrit”, theksoi  Xhaferi.

Ndërsa ka folur edhe për marrëdhëniet me Shqipërinë ku tha se raportet institucionale mes dy vendeve janë në nivel të duhur.