Elbenita Kajtazi, në skenën e “Deutsche Opera” të Berlinit

Sopranoja kosovare nga Mitrovica, Elbenita Kajtazi do të paraqitet sonte në skenën e Filarmonisë së Berlinit si pjesë e operës “Werther” krijuar nga kompozitori Francez Jules Massenet.

23 vjeçarja nga Kosova nga maji i këtij viti e deri në vitin 2015, do të jetë edhe solistja e kësaj shtëpie operistike.

Edhe pse vetëm 23 vjeç, Elbenita Kajtazi, tashmë është quajtur “zëri i ëmbël i Kosovës” nga mediat kosovare.

Në moshën 15 vjeçare ajo ka ndjekur ëndrrën e saj, për t’u bërë një këngëtare opere.

Pas diplomimit ajo dha tre koncerte solo, një në qytetin e saj të Mitrovicës, një të dytë në Prishtinë dhe të fundit në Tiranë, Shqipëri.

Duke përfaqësuar Kosovën në koncerte dhe konkurse të shumta kombëtare dhe ndërkombëtare, Elbenita ka fituar disa çmime.

Ajo aktualisht është duke studiuar me sopranon Ermonela Jaho dhe Caroline Merz.

Siç raporton Agjencia Telegrafike Shqiptare, aktualisht, Elbenita është një soliste me kohë të plotë në Orkestrën Filharmonike të Kosovës, dhe ngjithashtu gjatë vitit 2014 është soliste me kohë të plotë edhe në “Deutsche Opera” në Berlin.

Luanda Krasniqi, protagoniste e një dokumentari në SRF

19-vjeçarja nga Dietikoni i Cyrihut, Luanda Krasniqi, një vajzë simpatike dhe e zgjuar, do të jetë protagoniste e serisë së dokumentarëve në televizionin zviceran SRF «Mini Lehr und ich».
Luanda si punë praktike të rregullt ka shitjen e pajisjeve elektronike në Melectronik, që është sektor i koncernit të madh tregtar të Zvicrës, Migros. Ajo do të rrëfejë në dokumentarin televiziv se si refuzohen shërbimet e saj nga njerëzit e moshuar.

“Çdo ditë është më ndryshe. Vazhdimisht takoj njerëz që kanë kërkesa të ndryshme që nuk janë lehtë për t’i përmbushur”, thotë Luanda për Blick. Ajo thotë të ketë edhe konsumatorë të vështirë.
“Disa klientë madje refuzojnë të kërkojnë shërbimet nga unë”, thotë ajo. Për shkak se Luanda është femër dhe nuk i besojnë se mund të jetë në gjendje të ofrojë këshillime të sakta për klientët dhe sidomos njerëzit e moshuar nganjëherë janë skeptikë.

Me këtë ndjehet e nënvlerësuar Luanda. “Sepse unë e di që mundem. Dhe, fatmirësisht, shumica e klientëve janë shumë të kënaqur me punën time”, thotë ajo.
“Mbi të gjitha unë di më shumë rreth fotografisë”, thotë 19-vjeçarja.

“Të dy prindërit e mi janë me profesion shitës dhe dëshiroja me çdo kusht ta bëja të njëjtën”, thotë Luanda. “Ata janë shumë krenarë me mua”, citohet të ketë thënë Luanda.
Vitin e kaluar në Salzburg të Austrisë ajo ishte shpallur nënkampione në disiplinën e shitjes në garat e njëmbëdhjeta me radhë për shitësin-en më të mirë të ri, ku kanë marrë pjesë kandidatë nga Austria, Zvicra, Gjermania dhe Tiroli i Jugut (Itali).

Ajo në këtë garë ka qenë veçanërisht bindëse në bashkëbisedimin me klientët testues, me kërkesa të mëdha dhe me njohje të thellë të produkteve.

Sido që të jetë, janë pothuajse 70.000 të rinj në Zvicër që sfidohen çdo vit nëse do ta kalojnë provimin përfundimtar të zanatit të tyre. Me këtë ata edhe trokasin në botën e të rriturve. Përveç punëve të përditshme në furrë, në vendin e ndërtimit ose në ordinancën e dhëmbëve, është e rëndësishme për të marrë më shumë besim edhe në shkollat profesionale. Se si të rinjtë mund të përballen me këto kërkesa dhe cilat janë ëndrrat e tyre? Do të përgjigjen të rinjtë në një seri dokumentarësh në SRF 1 me titull «Mini Lehr und ich», pjesë e të cilit është edhe Luanda Krasniqi.

Bleta Gashi, shoqëruesja e parë në “Miss European Tourism”

19-vjeçarja që jeton në Zvicër, Bleta Gashi, nuk ka arritur të rrëmbejë kurorën e më të bukurës, por është zgjedhur shoqëruesja e parë në eventin e bukurisë «Miss European Tourism 2014» që ishte mbajtur nga 27 qershori deri më 6 korrik 2014 në Rumani.

Bleta Gashi është e gjatë 1.74 cm dhe ka marrë pjesë në Miss Zürich, me ç`rast është shpallur fituese e titullit Miss Fotogjenia.

Megjithatë, Bleta, e cila në Rumani ka valvitur flamurin shqiptar, ka marrë komplimente si kandidatja më e bukur.

Shpejtim Zejneli, drejtor nacional i kompanisë që bën përzgjedhjen e kandidateve nga Kosova, ka paralajmëruar pjesëmarrjen edhe në garat e bukurisë në Kinë dhe më pas në Turqi.

Kurora e “Miss European Tourism 2014” sivjet i ka takuar Miss Letonia, ndërsa shoqëruese e dytë u zgjodh Miss Ukraina.

Heidi Lushtaku e sfidon veten edhe në film

Shqiptaro-zvicerania Heidi Lushtaku ka bërë të ditur për albinfo.ch se sapo kanë filluar xhirimet e këtij filmi në Zvicër. Projekti është produksion zviceran. Rolin e kishte fituar Lushtaku nga kontakti që kishte me producentin dhe aktorin zviceran, Cedric Magnin, me të cilin Lushtaku bashkëpunon qe katër vjet. Ajo nuk dëshiron të bëjë publike detajet e tjera për emrin dhe tematikën e filmit, por thotë se xhirimet do të vazhdojnë në vende të tjera.
Bukuroshja shqiptare tashmë me famë ka arritur të sfidojë vetën edhe si këngëtare profesioniste.

Ajo së fundi ka publikuar këngën e parë me titull “Put it up”.

Heidi Lushtaku ishte finaliste e “Miss Zvicra 2013”, ndërsa përveç reklamave të shumta për firma të njohura në Zvicër dhe Francë, ajo për disa muaj punoi si modeliste edhe në Azi, duke reklamuar për kompani të ndryshme, ndër to edhe për kompaninë “Honda”.
Bukuroshja nga Kosova me profesion është dentiste, ndërkaq pos modelimit dhe këndimit, ajo do të vazhdojë karrierën edhe si aktore filmi.

Heidi Lushtaku ekskluzivisht për albinfo.ch sjell me disa foto atmosferën nga xhirimet e filmit

Anita Shala, finaliste në “Miss Zvicra 2014”

Anita Shala dëshiron të zgjedhet “Miss Zvicra 2014”. 20-vjeçarja, e cila jeton në Emmenbrucke të Luzernit, është e vetmja kandidate nga Zvicra qendrore, e cila merr pjesë në këtë spektakël. Ndihmësja e mjekut të dhëmbëve që punon në një ordinancë në Cyrih nuk i pëlqen shumë grimin e tepërt dhe as veshjet ekstravagante. Edhe kur ka për të dhënë ndonjë intervistë para medieve, asaj nuk i duhet më shumë se 30 minuta për t’u rregulluar.

“Shumë më mirë kuptohem me njerëzit që nuk janë shumë të pashëm. Shumë njerëz bukurinë e lidhin me arrogancë, të tjerët me zili dhe xhelozi. Kjo nuk më pëlqen”, ka thënë Anita.
Në ordinancën e dhëmbëve në Cyrih bukuroshja me prejardhje shqiptare, e cila është gjatë 1.77 cm, punon e pashminkuar. “Gjithmonë ka femra të bukura ose një trup më të mirë se unë, por ju duhet ta shfaqni atë që keni nga brendësia, e jo nga veshja. Pamja e jashtme është dhuratë nga zoti”, thotë asistentja e dhëmbëve.

Kam përkrahjen familjes

Anita Shala është e lindur dhe e rritur në Emmenbrucke. Prindërit kanë prejardhje nga Kosova. “Ata janë shumë të gëzuar që unë jam në mesin e finalisteve. Në veçanti nëna ime, e cila ishte e habitur kur i tregova për këtë. Ajo dëshironte gjithmonë të më shihte në një skenë të tillë”, thotë asistentja bukuroshe. Gjithashtu edhe babai i saj ishte shumë krenar për arritjen e bijës së tij. “Ai e respekton pjesëmarrjen time, pavarësisht që kjo sfidë është me stres, megjithatë po ia kaloj mirë. Babain e kam si shok”. Të gëzuar për pjesëmarrjen e saj në spektaklin “Miss Zvicra” janë edhe motra e saj, Agnesa, 18 vjeçe dhe vëllai Muhameti, 15-vjeçar. “Kam pasur përkrahje të madhe nga familja ime. Ne kemi një lidhje të veçantë familjare”, thotë Anita Shala. Ajo ka mësuar shumë nga kultura e Kosovës, por këtë e ka gërshetuar edhe më arsimin e marrë nga Zvicra.

S ‘di a kam shans të fitoj “Miss Zvicra 2014”

Në rrethin e saj Anita përshkruhet si një person me zemër të mirë. 20-vjeçarja, e cila që afro tre vjet është në lidhje me Rinorin, 22-vjeçar nga Cyrihu, me të cilin tashmë edhe bashkëjeton, tregon shumë për jetën e saj. E pëlqen diellin, sepse në rrezet e diellit ndihet veçanërisht mirë. Është e kujdesshme në ushqim, por nuk i kushton shumë rëndësi dietave. “Pikë e dobët” e saj duken të janë këpucat, ka aq shumë, sa që duhet një kohë e gjatë për t’ i numëruar.

Anita nuk e ka idenë se çfarë do të ndodhë me të nëse shpallet fituese. “Përpara planifikoja gjithçka, kurse këtë herë e kam lënë që gjërat të rrjedhin vetvetiu. Nuk e kam idenë se a kam shans për të fituar”, thotë ajo. Nëse fiton, ajo dëshiron të jetë një shembull për fëmijët e saj. “Unë kisha një fëmijëri shumë të mirë dhe dua ta trashëgoj atë përvojë”, ka thënë Anita Shala, në një intrevistë për “Neue Luzerner Zeitung”.

A.GJ

Valmira, përcjellësja e dytë në “Miss Universe Gjermania”

Valmira Krasniqi është shpallur përcjellësja e dytë e “Miss Universe Gjermania 2014”. Bukuroshja shqiptare, 18-vjeçare, e cila jeton në Helbron të Gjermanisë, ka arritur këtë sukses në mesin e 10 finalisteve që u mbajt në Gjermani.

Faqja zyrtare e “Miss Universe Germany” sapo ka njoftuar për finalistet e këtij viti. Sipas saj, fituese e kurorës së “Miss Universe Gjermania 2014” është shpallur Josefin Donat, përcjellësja e parë Sandra Lopez, ndërsa përcjellësja e dytë Valmira Krasniqi. “Ne kishim dhjetë finaliste mahnitëse. Zgjedhja ishtë më e vështirë se kurrë më parë, mirëpo ne tashmë kemi një “Miss Universe Gjermania” të re dhe ajo është Josefin Donat”, ka shkruar kjo faqe.

Kujtojmë se pjesë e këtij spektakli ishin edhe dy shqiptaret e tjera, Albina Nocaj dhe Martina Ivezaj, për të cilat gjithashtu kishte shkruar kohë më parë portali albinfo.ch. Derisa Albina, vajza me prejardhje nga Gjakova, nuk arriti më shumë se në mesin e 15 finalisteve, bukuroshja tjetër shqiptare nga Mali i Zi, Martina Ivezaj, hyri në finale, duke u llogaritur si favorite, megjithatë nuk arriti të rrëmbejë asnjërin nga tri çmimet kryesore.

A.Gj.

Sindi Arifi, e bukura e Zvicrës

Sindi Arifi është shqiptarja e parë që ka fituar kurorën e një spektakli bukurie në Zvicër. Në vitin 2013 ajo u shpall fituese e “Miss Zvicra Frankofone”. Që nga ajo kohë Sindi ka marrë pjesë në shumë sfilata dhe kompani me emër jo vetëm në Zvicër, por edhe në Evropë. Përveç kësaj, për albinfo.ch Sindi tregon se pasion e ka edhe muzikën, ku premton që së shpejti të shfaqet edhe me ndonjë projekt të ri muzikor.Është një nga vajzat më të bukura në Zvicër, e cila këtë dhuratë të natyrës ka ditur ta shfrytëzojë më së miri. Është shqiptarja e parë që ka fituar kurorën në një spektakël bukurie në Zvicër. Viti 2014 për Sindi Arifin ishte viti më i suksesshëm në jetën e saj, sepse këtë vit ajo u zgjodh “Miss Zvicra Frankofone”. Skenën e spektakleve të bukurisë ajo e kishte pëlqyer që në moshë të re, ani pse nuk kishte marrë pjesë asnjëherë më parë.

“Vitin e kaluar prindërit e mi më regjistruan në konkursin “Miss Suisse Romande” (Miss Zvicra Frankofone). Ishte përvoja ime e parë. Kam dëshiruar gjithmonë të shfaqem në skenat e bukurisë. Ishte një moment magjik për mua. Ndihesha shumë e entuziazmuar dhe kisha përshtypjen që shihja yjet me sy. Që nga ai moment unë e kuptova se kjo ishte me të vërtetë ajo që kam dashur të bëj”, kujton për albinfo.ch 20-vjeçarja Arifi përvojën e saj në spektaklin zviceran.

Kurora më përmbushi ëndrrat e mia

Kurora e “Miss Zvicra” Sindit i dha shumë vetëbesim për të përmbushur ëndrrat e saj. “Titulli më dha besim në veten time. Sot jam e vetëdijshme se për çfarë jam e aftë. Kam mësuar se në jetë nuk fitohet asgjë me lehtësi. Duhet luftuar dhe të mos heqësh kurrë dorë nga qëllimet. Kam luftuar për të shtyrë limitet e mia dhe për të arritur qëllimet që unë vendosa për veten time. Tani kam qëllime edhe më tej dhe dua të punoj që të kem sukses në arritjet e mia”, thotë ajo.
Triumfi i këtij spektakli asaj i ka hapur dyer të reja drejt fushës së modës. Ndonëse për shkak të kontratës që ka me organizatorët e spektaklit nuk mund të jetë e hapur shumë për reklama të reja, megjithatë aq sa i është lejuar, Sindi deri tash ka marrë pjesë në disa sfilata të mëdha të modës, duke përfshirë edhe markën italiane Salvatore Ferragamo, e gjithashtu edhe për agjenci të njohura të modelimit.

Shqiptarja e lindur në Zvicër, por me prejardhje nga Mali i Zi, bën një jetë shumë dinamike, me shumë udhëtime, lëvizje dhe takime pune. “Për të jetuar nga modelimi, ju duhet të shkoni në qytetet e mëdha në Evropë apo kudo në botë, si në Paris, Milano, Londër apo në Nju-Jork. Në Zvicër ju filloni karrierën tuaj, por për të shkuar më tej do të duhej të shkoni diku tjetër. E gjithë kjo mua më bën që të mos mërzitem, sepse çdo ditë është një ekspriencë e re për mua”, shprehet studentja e studimeve të larta sociale, e cila na tregon edhe se si është një ditë e saj. “Ditët e mia janë shumë të ndryshme. Ndonjëherë me fotografi, nganjëherë me sfilata, nganjëherë me takime. Por, në çdo rast, çdo mëngjes unë bëj fitness”, thotë Sindi, e cila pos kësaj merret edhe me karate, volejboll dhe balet.

Përkundër angazhimeve të mëdha që ka, shqiptarja Arifi nuk lë anash pa falur edhe dashuri për familjen dhe të afërmit, ndërkaq për ndonjë person të caktuar duket se është me e rezervuar të flasë, por thotë se burri ideal për të është ai njeri që tregon respekt, dashuri dhe besim.

Muzika, një pasion tjetër i saj

Përveç aktiviteteve në fushën e modelimit dhe studimeve, Sindi Arifi merret edhe me muzikë. “Kënga është pasion imi. Që në fëmijëri merrem edhe me muzikë. Këndoj dhe i bie kitarës dhe pianos. Kam marrë pjesë edhe në shumë ngjarje muzikore dhe në të ardhmen kam ndërmend të realizoj edhe këngë të reja”, pohoi ajo në fund të bisedës sonë.

S.T

Linda Nikolla përfaqëson Zvicrën në “Goldwell – Color Zoom”

Parukierja dhe stilistja e njohur shqiptare që jeton në Zvicër, Linda Nikolla, me sukseset e saj nuk po i gëzon vetëm shqiptarët, por edhe zviceranët. Fituesja e shumë çmimeve ndërkombëtare për parukeri më 10 tetor do ta përfaqësojë Zvicrën në njërin nga spektaklet më të mëdha të parukerisë në botë “Goldwell 2014 – Color Zomm”, i cili do të mbahet në Berlin.

“Color Zoom” është një ndër festivalet më të mëdha në botë, i cili mbahet çdo vit nëpër vende të ndryshme të botës, ku prezantohen trendet, ngjyrat dhe produktet e reja për vitin e ardhshëm. Meqë pata fituar çmimin e parë në “Gold…”, kam nderin që edhe këtë vit t’i prezantoj idetë e mia dhe të jem pjesë e këtij spektakli”, ka thënë Linda për albinfo.ch.

Në këtë spektakël do të garojnë frizerë nga e gjithë bota, ndërkaq do të përcillet edhe nga media të shumta botërore, veçanërisht nga revistat e famshme “Vogel”, “Arabela” e të tjera.

Linda është e lumtur se si shqiptare e ka mundësinë të përfaqësojë shtetin zviceran dhe njëkohësisht të ndihmojë në ndryshimin e imazhit të shqiptarëve në Zvicër.

“Jam e lumtur për këtë mundësi. Uroj të jem një imazh i mirë për të gjithë shqiptarët që jetojnë këtu dhe kudo nëpër botë”, shprehet ajo, teksa thotë se nuk frikësohet nga sfidat e reja.

“Jam mësuar me sfida të ndryshme, por ende kam emocione dhe nuk më besohet se arrita ta fitoj vendin e parë “New Talent Category”. Për suksesin dhe punën time u krenua edhe shteti zviceran dhe menjëherë më ofruan kontratë që t’i përfaqësoj në këtë spektakël deri në vitin 2016”, përfundon biseden për albinfo.ch parukierja Linda Nikolla.

A.GJ

Dorina Podrimja dhe Luanda Krasniqi në mesin e 100 femrave më të bukura

Revista e njohur botërore “Maxim magazine”, e cila ka shtrirje në Gjermani, Zvicër dhe Austri ka publikuar sot (e martë)100 femrat më të bukura për vitin 2014. Në mesin e tyre gjenden edhe dy shqiptare: Dorina Podrimja dhe Luanda Krasniqi. Dorina Podrimja e cila vitin e kaluar ishte pjesë e “Miss Zvicra 2013” ka thënë se është ndjerë mjaft e lumtur që gjendet në mesin e 100 vajzave më të bukura të tri shteteve gjermanofolëse.

Revista e cila është dedikim për meshkuj e ka vlerësuar Dorinën si një modele me pamje të mrekullueshme.

Sipas “Maxim” Dorina është “Miss Solothurn” dhe e cila po e përfaqëson denjësisht këtë kanton.

Po ashtu, kjo revistë edhe për modelen tjetër Luanda Krasniqi ka shkruar fjalë të mira. 19 vjeçarja e cila ishte pjesë e “Top Model Zvicra”, u bë e njohur falë edhe pjesëmarrjes në serine televizive në televizionin zviceran SRF “Mini Lehr und ich”.

Derisa Dorina pritet të shfaqet në një reklam të BMË-së, Luanda pos aktiviteve të tjera, ka qenë edhe pjesë edhe e një reklame të kompanisë së njohur “Dior”.

A.Gj.

Egzonita Ala shpallet “Miss Gjermania 2014” (Video)

Sukseset e vajzave shqiptare nëpër konkurse bukurie në botë tashmë nuk janë risi.

Spektakli “Miss Gjermania 2014” i cili është mbajtur në Dortmund ka ndarë çmimet kryesore për dy vajza shqiptare.

Egzonita Ala është bukuroshja shqiptare që është zgjedhur “Miss Gjermania 2014”, çmimi i dytë i ka takuar një tjetër vajze shqiptare. Fjala është për Fjollza Avdiun nga Mitrovica për të vijuar me çmimin e tretë të fituar nga Sabrina Nennemann.

Më këtë fitore Egzonita ka përfituar kontratë një vjeçare me kompaninë “Emmi Nail”, pastaj 15 mijë euro para të gatshme, ndërsa do të përfaqësojë Gjermaninë në spektaklin botëorë “Miss Bota 2014” që do të mbahet në nëntor në Londër.

Menaxherja e Egzonitës, njëherësh artiste e njohur për make -up në Gjermani, zonja Nazlije Sadrija e cila është prej vitesh pjesë e stafit të këtij spektakli, është ndarë shumë e lumtur me fitoren e vajzave shqiptare.

“ Vajzat shqiptare dallohen për bukurinë që e kanë. Dhe, këtë më së miri e dëshmoi edhe nata e mbrëmshme ku dy vajza shqiptare fituan vendet kryesore të këtij spektakli. Fituesja e këtij spektakli, Egzonita Ala jo vetëm që më bëri mua të lumtur si menaxhere e saj dhe familjen, por i bëri krenarë të gjithë shqiptarët kudo që janë. Me bukurinë që e ka, kjo vajzë do të na prezantojë denjësisht edhe në Miss Bota”, ka thënë ajo për “albinfo.ch”.

Egzonita, e cila mban titullin edhe si fituese e spektaklit “Miss Diaspora 2014” është 17 vjeçare nga Peja, banon në Shtutgart ndërsa vijon mësimet për ndihmëse të mjekut të dhëmbëve.

A.Gj.

Flaka Haliti, artistja në mes Prishtinës, Vjenës dhe Munihut

Flaka Haliti, fituese e çmimit Henkel Art.Award për vitin 2013 është autore e ekspozitës me titull “I See a Face. Do You See a Face” në muzeun e arteve Mumok të Vjenës. Ekspozita e hapur më 6 gusht do të mbyllet më 5 tetor.

Artistja Flaka Haliti, e lindur në Prishtinë në vitin 1982 jeton në trekëndëshin Prishtinë-Vjenë-Munih.

Në ekspozitën e saj aktuale ajo paraqet punime të cilat lidhen me përvojat e saj në mes të vendeve dhe kulturave të ndryshme.

Në instalacionin e saj me mure betoni ajo prezanton një seri fotografish të reve në të cilat janë të projektuara tiparet e fytyrave njerëzore si grafika kompjuterike, thuhet në shkrimin prezantues të ekspozitës në faqen e internetit të galerisë. Me këto punime artistja aludon në raportin në mes të afërsisë dhe largësisë në mes të njerëzve në botën moderne.

Flaka Haliti, me konstatimin dhe pyetjen që e ka vendosur si titull të ekspozitës (Unë shoh një fytyrë. A e sheh edhe ti një fytyrë) nënvizon një lojë në mes të realitetit dhe fiksionit, në mes të afërsisë imagjinare dhe distancës hapësinore…

Heidi Lushtaku, kontratë me “Hera”

Modelistja shqiptare që jeton në Zvicër, Heidi Lushtaku, ka lidhur një marrëveshje me firmën ndërkombëtare zvicerane të rrobave „Hera“.

Me këtë nënshkrim shqiptarja do të prezantojë koleksionet e fundit të veshjeve të markës së njohur „Hera“ për 3 vjet, duke filluar nga 2014 deri 2016.

Finalistja e “Miss Zvicra 2013” së fundi ka bërë një seri fotografish për „Switcher make Swiss“, ndërsa ka xhiruar një klip me një këngëtar shumë të njohur në Afganistan.

Heidi ekskluzivisht për albinfo.ch sjell disa foto me veshjet e njohura zvicerane „Hera“.

Saranda Maliqi, e treta në “Mis Zvicra 2014”

Në finalen e spektaklit “Miss Zvicra 2014”, shqiptarja Saranda Maliqi ka arritur rezultatin deri më tash më të mirë prej se kanddatet shqiptare marrin pjesë në këtë garë. Ajo ka zënë vendin e tretë, menjëherë pas fitueses, Mis Zvicrës 2014, studentes nga kantoni Vaud Laetitia Guarino dhe kandidates nga Berna Michlle Stofer.

Saranda Maliqi është me prejardhje nga Kosova (Gjilani) dhe jeton në Schönenwerd të kantonit Solothurn. Ajo është 23 vjeçe dhe punon si asistente e sekretarit të komunës. Saranda e sheh veten si një modeliste dhe moderatore në të ardhmen dhe shpreson se suksesi në “Mis Zvicra 2014” do t`ia hapë rrugën drejt realizimit të këtij synimi

Kandidatja e dytë shqiptare, Anita Shala është diskualifikuar në mesin e dy të parave nga 12 finalistet.

Më parë, javën e kaluar, nga gara kishte rënë edhe kandidatja tjetër shqiptare, Donika Krasniqi.

Spektakli i finales së garës “Mis Zvicra 2014” është mbajtur në një skenë të improvizuar në sheshin kresor të Bernës, në Bundesplatz.

Sopranoja shqiptare, Mirjam Tola, shkёlqen në Gjermani

“E mrekullueshme, madhёshtore, jam shumё e entuziazmuar nga interpretimi i Tosca-s prej sopranos Mirjam Tola!”. “E kam parё Toscan shumё herё, por njё Tosca siҫ e interpreton atё Mirjam Tola deri mё sot nuk e kemi pasur nё Operën e Wuppertal-it, njё soprano e shkёlqyer!” Kёshtu shprehen disa spektatorё pas duartrokitjeve qё nuk kishin tё reshtur pas shfaqjes sё “Tosca-s” sё Giacomo Puccinit nё Wuppertal, shkruan DW. Surpriza e hapjes sё sezonit sivjet nё Wuppertal ishin perfeksioni estetik nё inskenim, regji, skenografi, koreografi, kostume dhe ndriҫim nga regjisori i njohur italian, Stefano Poda. E veҫanta tjetёr ishte nisma ambicioze e drejtorit tё ri tё kёsaj opere dhe njёkohёsisht dirigjentit tё saj, japonezit Toshiyuki Kamioka, i cili guxoi njё revolucion nё skenёn operistike tё Gjermanisё. Opera publike e Wuppertal-it ёshtё e para qё thyen traditёn duke e shpёrbёrё trupёn e solistëve të saj, pёr t’i vёnё nё skenё shfaqjet me artistё tё ftuar. Shumё media prestigjioze nё Gjermani i kushtuan vёmendje tё posaҫme shfaqjes sё Toscas nё Wuppertal.
Mirjam Tola, njё soprano nё kulmin e karrierёs sё saj, e konsoliduar dhe me njё zё brilant, me interpretimin nё nivel tё lartё artistik e zhdёrvjellёt dhe e natyrshme edhe si aktore nё skenё e mbёrthen publikun pёrgjatё dramёs qё zhvillohet nё operën tragjike.

Mirjami vlerёson jashtёzakonisht mbёshtetjen qё ka pasur gjatё karrierёs sё saj tashmё 20-vjeҫare nё skenat mё tё njohura evropiane, si edhe nё SHBA e gjetkё, nga dirigjentё, kompozitorё e drejtues artistikë tё njohur, por tё paharruar mbeten pёr tё pedagogu i parё i saj i kantos, Behar Islami dhe pedagogia, sopranoja e njohur shqiptare, profesoresha Suzana Frashёri, së cilës i është jashtëzakonisht mirënjohëse. Nga profesoresha Frashёri Mirjami mёsoi bazat e mjeshtёrisё sё tё kёnduarit, ajo e mbёshteti atё nё formimin si soprano nё vitet e studimeve nё Akademinё e Arteve nё Tiranё.

Arjeta Krasniqi, në mes kombëtares shqiptare dhe modelimit në Gjermani

Futbollistet e kombëtares shqiptare për femra, janë fare të reja në fushë. Skuadra e tyre është formujar vetëm para një viti, dhe, në dy ndeshjet e deritashme ato kanë shënuar dy fitore, kundër Maqedonisë, me rezultatin një me zero, si vendëse dhe 4 me 1 si mysafire.

Kjo na bën të fortë. Ne tashmë kemi mbështejen dhe vetëbesimin e nevojshëm. Ndeshja e ardhshme për kombëtaren, lirisht mund të vijë”, thotë Arjeta Krasniqi.

Kjo vajzë 22 vjeçare është lojtare mesfushore në kombëtaren e Shqipërisë ndërkohë që në Gjermani luan në Ligën e katërt për skuadrën DJK St.Hubert. Krasniqi jeton në Gjermani që nga mosha 3 vjeçare, kur familjarët e saj kishin kërkuar këtu strehim si refugjatë. Aktualisht Arjeta është duke kryer një kualifikim për ndihmëse të dentistit. Këtu ajo e ndjen veten në shtëpi të sajën. Shqipen mezi e flet.

Në fitoren me rezultat 4:1 në Maqedoni, Arjeta kishte ndeshjen e saj debutuese. Një mik i babait të saj ia kiushte rekomanduar atë trajnerit nacional, Altin Rrakllit. Ish profesionisti Shqipërisë dhe i Gjermanisë, i cili veç tjerash kishte luajtur për Hertha BSC Berlinin, ka mbrojtur 63 herë ngjyrat e kombëtares së Shqipërisë, shkruan spox.com.

Pas kthimit në Shqipëri, Rraklli iu kushtua futbollit të femrave. Ai themeloi skuadrën Tirana AS, me të cilën fitoi në një turnir testues edhe titullin e kampionit në sezonin 2009-2010. Sot, në ligën e femrave luajnë tetë skuadra, në mesin e të cilave Rraklli hulumton me përkushtim talentet e reja. Vitin e kaluar ai u bë edhe trajner i kombëtares.

Fillimi i suksesshëm, shto këtu edhe fondet mbështetëse nga FIFA dhe UEFA për ngritjen e futbollit të femrave, përcaktojnë edhe planet e ish futbollistit tashmë 41 vjeçar. Rraklli ka hulumtuar shumë futbolliste shqiptare jashtë vendit dhe ka gjetur. Në Norvegji, në Suedi dhe këtu, në Niederrhein të Gjermanisë.

“Trajneri është një super tip dhe tepër cool. Shumë i butë, por njëkohësisht edhe shumë i disiplinuar dhe profesional. Është i tillë që e di saktësisht çfarë dëshiron dhe që i njeh mirë kufijtë në mes të shakasë dhe punës”, thotë Arjeta, e cila, paralelisht punon edhe si modeliste.

“Jam futbolliste edhe pse nuk dukem si e tillë”, shkruan në kartën e saj. “Kështu mbaj kondicionin”, thotë ajo. “I gëzohem që tash ndeshjes së ardhshme për kombëtaren”, shton Arjeta. Dhe kjo duhet të jetë diku në fillim të vitit . Ka mundësi që kundërshtare do të jetë Greqia.

“Ne duam që të bëhemi skuadra më e fortë në Ballkan”, thotë shqiptarja ambicioze.

Luan Krasniqi provon veten në film

Boksieri Luan Krasniqi ka kohë që ka “varur dorezat në gozhdë”. Por kjo assesi nuk do të thotë se me këtë i ka thënë lamtumirë jetës publike. Ai është i pranishëm vazhdimisht në aktivitete të ndryshme, kryesisht me karakter humanitar dhe i ftuar i rregullt në emisione të televizioneve gjermane.

Por, në një fushë Luan Krasniqi nuk e kishte provuar veten deri më tash: në film. Edhe këtë merak ai tashmë e ka hequr: Luani është i pranishëm me një rol në episodin e 136 të serialit shumë të shikuar televiziv kriminalistik të ZDF-së, “SOKO Stuttgart”. Premiera e episodit që mban titullin “Benzina në gjak” do të jepet në fillim të vitit të ardhshëm.

“Natën para xhirimeve kam fjetur shumë keq, isha jashtëzakonisht i emocionuar”, thotë Krasniqi për bild.de. Por, nuk ka pasur arsye për këtë, komenton gazeta, pasi që, sipas saj Luani është treguar njësoj profesionist para kamerës po aq sa edhe aktorët me përvojë, kolegë të tij në këtë serial, Christian Kahrmann, Peter Ketnath ose Yve Burbach.

Dy artistë nga Kosova dhe ”një palaço”

Shumë larg vendlindjes, në një hapësirë të gjelbëruar me madhësi të një fushe futbolli, dy artistëve të rinj shqiptarë iu dha rasti ta përfaqësojnë për herë të parë Kosovën në Festivalin e skulpturave në rërë që mbahet në Rorschach të Zvicrës për trembëdhjetë vjet me radhë.

Në mesin e dhjetë ekipeve që kishin fituar konkursin për të marrë pjesë në këtë festival, risia ishte ekipi nga Kosova, me dy artistët gjilanas, Bekim Korçën dhe Kushtrim Zeqirin.

Të vendosur buzë liqenit në njërën anë dhe karshi restoranteve e përballë ekipeve konkurruese, si Holanda, Letlanda, Rusia, Bullgaria, Kenia dhe Çekia, në garë për të gdhendur skulpturën më të mirë nga rëra, takojmë dy gjilanasit e relaksuar në pritje të ndarjes së çmimeve pas punës së mundishme njëjavore që kërkonte nga artistët pjesëmarrës ilustrimin më të mirë përmes artit figurativ të temës së përzgjedhur -„kafsha në ty“.

Ilustrimin e kësaj teme Bekimi dhe Kushtrimi kanë zgjedhur ta bëjnë përmes një palaqoje kokështrirë e gjuhën jashta. Koncepti dhe emri i punës sonë që kam përzgjedhur bashkë me Kushtrimin, ka qenë kloni apo palaqoja, i cili luan ose e aktron elefantin. Portreti i klonit tregon se artistët sakrifikojnë gjithnjë veten për t’i bërë të tjerët të ndjehën mirë, përshkruan skulpturën e tij Bekim Korça, duke na shpjeguar se fytyra e palaqos simbolizon njeriun normal, kurse brenda tij ekziston një elefant që tregon se palaqët, dhe jo vetëm ta, por edhe artistët e njërëzit e rëndomtë, e kanë një energji të jashtëzakonshme që mund mbase ta balansojnë me fuqinë e elefantit, thotë në këtë rast skulptori 36-vjeçar Bekim Korça, i cili jeton dhe vepron në Gjilan. Ka një atele të veten, punon për një organizatë joqeveritare në mbrojtje të drejtave të njeriut, si dhe monitoron marrëdhëniet ndëretnike në Kosovë.

Të ngazëllyer nga mikpritja e mirë, dy skulptorët nga Kosova mendojnë se pjesëmarrja e tyre është një rast i mirë i artistëve të rinj për promovim e punës së tyre, e që në të njejtën kohë ka rëndësi të madhe për shqiptarët që jetojnë jo vetëm në këtë qytet, por edhe më gjerë. Sepse pranë çdo skulpture të vendosur qëndron një pllakatë me emrat e pjesëmarrësve, vendi nga vijnë e përshkrimi i skulpturës, që për temë kishin „Kafsha në ty apo përbrenda teje“ ose „Your inner animal“.

Skulptura fituese, kundruall asaj të ekipit nga Kosova

Bekimi ka pasur ekspozita kolektive të shumta si dhe ekspozita personale, ndërkohë që në fushën e artit internacional ka krijuar një përvojë të mirë. Kohë më parë në Budapest të Hungarisë është paraqitur me dy ekspozita personale. kurse tani për herë të parë në Rorschach të Zvicrës në Festivalin e skulpturave në rërë bashkë me kolegun e tij, Kushtrim Zeqiri. Meritat për prezencën e ekipit nga Kosova ia drejton komunitetit shqiptar në Zvicër, gjegjësisht Shoqatës shqiptare në Bodensee në krye me Afrim Maliqin, të cilët mundësuan që në këtë festival të karakterit ndërkombëtar të sjellin një ekip nga Kosova. Festival ky që përreth një muaj vizitohet nga vizitorë të shumtë, jo vetëm nga Zvicra, por edhe nga Gjermania, Austria, Holanda e vende të tjera. Karakteristikë e veçantë e këtij festivali është bujaria e qytetarëve të Rorschach-ut. Në hyrje të festivalit qëndron një pllakatë e madhe me emrat e donatorëve, ku ndër të tjera është edhe pizzeria Zattis, pronë e një shqiptari nga Tetova. Bekimi dhe Kushtrimi ishin mysafirë të hotelit Rossli, aty kishin ushqimin dhe fjetjen falas, ndërsa rrugën e kishin nga „Air Prishtina“ .

Siç mësojmë nga Kushtrimi dhe Bekimi, interesimi i vizitorëve për ekipin nga Kosova ka qenë i jashtëzakonshëm. Gjatë tërë javës sa kemi punuar këtu, unë kam përjetuar vetëm reagime pozitive. Reagimet me të mëdha kanë qenë kur e kanë lexuar, Kosovo Team! Një lloj habie përmes mimikës, domethënë, wua -Kosovo Team – paska ekip edhe nga Kosova! Shumë shtetas zviceranë kanë mirëpritur prezencën e ekipit nga Kosova, na janë ofruar për diskutim e iu ka ardhur mirë që edhe Kosova merr pjesë në këtë festival, thotë Bekimi, i bindur se përmes artit e bashkëpunimit kulturor gjasat për integrim të komunitetit tonë janë shumë më të mira. Dhe në një rast tek sa nxënësit e shkollave përrreth që më mësuesit e tyre shikonin skulpturat, fëmijët shqiptarë, më të parë se edhe Kosova ishte pjesëmarrëse, nga gëzimi e krenaria thirrnin gjermanisht: „yah“, edhe Kosova qenka këtu.

Bekimi dhe Kushtrimi para skulpturës së tyre

Për 23-vjeçarin Kushtrim Zeqiri, skulptor me profesion, i cili këtë vit ka mbaruar studimet postdiplomike master në Degën e skulpturës në Prishtinë, më tepër se të fitonin ishte e rëndësishme pjesëmarrja. „Ndarja e çmimeve nuk kishte ndonjë rëndësi të madhe, është shije e komisionit. Më rëndësi ishte prezenca e ekipit nga Kosova në një vend ku komuniteti shqiptar jeton në numër të madh. Fundja, të gjitha skulpturat janë të mira që ilustrojnë një histori rreth temës“. Kushtrimi e pranon se, karshi ekipeve të tjera, ekipi nga Kosova nuk sillte përvojë të madhe me skulpturat në rërë, porse kjo nuk çonte shumë peshë, e nuk na hamendte, sepse kishim konceptin tonë të punës për të realizuar këtë skulpturë. I kënaqur që ishte pjesë e këtij festivali, ai ndahet me përshtypjet që ka pasur fatin të jetë pjesë e këtij festivali pranë shumë artistëve të tjerë në një atmosferë tërësisht të re. Me një ritëm të punës që njihet vetëm në Zvicër.

Ekipi kosovar mbi gjitha ishte befasur me përpikmërinë e organizatorëve. „Ne kemi dëgjuar e lexuar për përpikëmërinë e punës së zviceranëve, kurse tani patëm rastin ta ndjejmë e ta shohim nga afër. Këta janë njerëz që punojnë për vijë, domethënë e respektojnë shumë punën. Kjo ka qenë përshtypja e parë që kemi marrë, përshtypjen e dytë e kemi nga ngrohtësia e bashkatdhetarëve që jetojnë këtu, qysh nga momenti i parë i mbërritjes ne kemi qenë në krye të vëmendjes së tyre duke na ofruar ndihmë për gjithçka që kishim nevojë, por edhe duke na shtruar darka e organizuar takime e udhëtime nga më mbreslënëset.

Për më tepër rreth këtij festivali mund të vizitoni linkun http://www.sandskulpturen.ch/

Berberi shqiptar, në Kanë me Paris Hilton

Ludovik Tunaj është një stilist shqiptaro-zviceran flokësh i njohur nga Rohr-i i kantonit Argau. Por më i njohur Ludoviku është bërë pasi në facebook dhe pastaj edhe në medie tjera, janë shpërndarë fotografitë e tij nga Festivali i Filmit në Kanë. Në to ai shihet në takime mjaft të afërta me yje filmi dhe vip-a të tjerë.

Fotografitë e tij me trashëgimtaren e milionëve, Paris Hlton kanë bërë bujë më të madhe në medie. Aty duket Tunaj bashkë me milioneren e njohur, duke mbajtur një kek me pamjen e flamurit shqiptar .

Ndërkaq, në facebook-un e tij, berberi shqiptar nga Zvicra ka sjellë rrëfime për atë se si ka vallëzuar me Paris Hilton dhe se si për këtë ka xhelozuar i dashuri i saj, River Viiperi 21 vjeçar. Por, Ludoviku i ka thënë Viiperit se nuk duhej të brengosej pasi që ai në të vërtetë me Paris Hilton kishte vetëm shoqëri dhe asgjë më shumë, etj. etj.

Shqiptari i pashëm dhe shumë komunikativ, Ludovik Tunaj, në Festivalin e Kanës ishte me misionin për të reklamuar firmën e njohur të stolive Chopard.

Gjatë këtyre ditëve ai ka bërë rreth 200 fotografi në qilimin e kuq të festivalit, me persoalitete të njohura, të filmit shoubiznesit etj.

Elhaida Dani, me album të ri

Këngëtarja me origjinë nga Shkodra për adhuruesit ka sjellë këngën “Baciami e Basta”, e shkruar posaçërisht për të nga Francesco Silvestre, i grupit „Moda“.

Me këtë këngëtar dhe autor Elhaida u ngjit në skenën e emisionit “The Voice of Italy”, me një duet të magjishëm.

Pas sukseseve në Shqipëri, ku ajo ka marrë çmimin Artistja e re më e mirë në edicionin e 9-të të “Top Fest”, dhënë nga fondacioni mediatik “Dritan Hoxha” dhe e çmimit të madh po në këtë edicion, karriera e Elhaidës mori hov në Itali pas fitores së saj në spektaklin e talenteve ‘The Voice Of Italy’.

Shqiptarja përfaqëson Belgjikën në Miss Asia Pacific

Shqiptarja që mban titullin Miss Benelux, Adelina Berisha është përzgjedhur Miss Asia Pacific World Belgium dhe ajo do të përfaqësojë Belgjikën në këtë kompeticion të bukurosheve.

Adelina është 18 vjeçare dhe është kandidatja më e re për këtë spektakël të madh. Stafi menaxhues i Adelinës është i bindur se Miss Benelux do ta bëjë më të mirën nga ana e saj.

Miss Asia Pacific World është një garë e një rëndësie të veçantë, ku Adelina mund të ndërtojë një karrierë shumë të mirë, shkruan agjencia Ina.

Adelina gjithashtu në fund të muajit gusht do të qëndrojë në Itali, ku do të marrë pjesë në konkursin e modelimit “The Look Of the Year”, e më pas në muajin tetor do të niset për në Kore.

06.07.2013

Hobi në fotografi e bën yll shqiptarin

28-vjeçari me origjinë nga Kumanova e Maqedonisë bën fotografi qe 10 vjet në Zvicër. Por, në shtator ai ka arritur kulmin në karrierë duke qenë mysafir i Fadil Berishës, fotografit të njohur të konkursit të bukurisë Miss Universe dhe Miss SHBA.

“Fadil Berishën e kam shoqëruar për 1 javë në New York në çdo klik të aparatit të tij. Kam mësuar shumë nga ai, sidomos rreth planifikimit profesional për fotografi (shooting). Nga afër e kam parë se si shkojnë punët atje në New York, ku është edhe bota e artit të fotografisë”, tha në një prononcim për albinfo.ch fotografi Admir Saiti, pas kthimin nga New Yorku.

Admiri në New York ka realizuar disa fotografi profesionale në shoqërim me Fadil Berishën.

Fotografi nga Zvicra kishte bërë fotografi me Misin e Kosovën, Diana Avdiu, pastaj me Myriam Schöpf, modelen e njohur nga firmat e njohura, si Emmi Trumpf.

Ai është kthyer me përshtypje të mira nga Nju-Jorku. “Atje në New York shumë njerëz shprehnin dëshirën për të ndihmuar. Ne e kemi edhe Cyrihun që është njëri nga qytetet e mëdha, po si New Yorku ende nuk kam përjetuar”, thotë Saiti.

Fotografi shqiptar ishte impresionuar atje me njërin prej spektakleve të modës të disenjatores së njohur të modës Sherri Hill në Trump Tower. Admir Saiti është fotograf shumë i njohur dhe i kërkuar në Zvicër.

“Suksesi më i madh imi janë edhe 4 seritë e fotografive të realizuara për “Swarovski” dhe njëra prej tyre është zgjedhur për katalog”, tha Admiri.

Admiri ka realizuar foto të bukura dhe artistike, por njëkohësisht ka punuar dhe punon edhe me modele të njohura.

Dalëngadalë nga hobi fotografimi po i bëhet profesion kumanovarit në Zvicër. Ai është shumë aktiv në fushën e modës, spektakleve të bukurisë dhe reklamave. “Do ta perfeksionoj punën time me fotografi që një ditë hobin ta shndërroj në profesion”, tha Admiri, i cili është menaxher i shitjes në një firmë zvicerane të distribuimit.

27.09.2013

Albana Shabani, rrëmben kurorën e më të bukurës në Schwarzwald

Më e bukura vajzë e Schwarzwaldit vjen nga lokaliteti Triberg. Ajo quhet Albana Shabani, është 17 vjeçe, ka gjuhë amtare shqipen dhe po mëson tashmë gjuhën e pestë. Albana është zgejdhur pak ditë më parë nga një juri 13 anëtarëshe në Bad Peterstal-Griesbach Mis Schwarzwald, duke mbetur edhe vetë e befasuar me zgjedhjen.

Me flokët e saj të zeza dhe me buzëqeshjen rrezatuese ajo ka bërë për vete jurinë duke bërë që Albana të fitonte me një dieferencë të madhe pikësh në krahasim me kandidatet tjera. Me këtë fitore ajo është kualifikuar për të bërë garë për kurorën e më të bukurës në landin Baden Württemberg dhe për atë të Gjermanisë Jugore.

Në parakalim Albana ka dalë e shoqëruar nga motra e saj më e madh. Ndërsa e ëma, nuk kishte mundur të ishte e pranishme por flet me entuziazëm për të pas suksesit të së bijës.

Për bartësen e re të kurorës Miss Schwarzwald, familja ka rëndësi shumë të madhe . “Ajo më mbështet shumë dhe sikur të mos e kisha këtë mbështetje unë nuk mund ta bëja këtë”, thotë Albana e cila është një ndër pesë fëmijët e familjes Shabani.

Misi i ri i Schwarzwaldit është duke ndjekur mësimet në gjimnazin ekonomik në Furtwangen dhe qysh si e vogël kishte ëndërruar të fitonte në një garë për mis.

Si nxënëse e rregullt që është, ajo menjëherë pas garës ka vazhduar për në shkollë, ku suksesi i saj nuk ka mbetur pa u vënë re. Edhe drejtori i gjimnazit ia ka uruar titullin dhe është zotuar se në garën e ardhshme do të jetë pranë saj për ta përkrahur. Albana në asnjë mënyrë nuk mendon të braktisë shkollën për shkak të angazhimit si mis Schwarzwald, shkruan südkurier.de. në vitin 2015 ajo do të bëjë abiturën dhe pastaj të fillojë studimet. Aktualisht është duke mësuar gjuhën e pestë, spanjishten. Ajo e zotëron gjuhën e prindërve, shqipen dhe veç saj edhe gjermanishten, anglishten dhe frëngjishten.

Më 8 janar të vitit 2014 Albana Shabani do të marrë pjesë në garën për Mis Gjermania Jugore që do të mbahet po ashtu në Bad Peterstal-Griesbach.

28.09.2013