Vriten dy vëllezër në Malishevë

Viktima janë: Sh.M., kosovar/shqiptar, lindur më 1973, si dhe B,M, kosovar/shqiptar, lindur më 1984

Ilustrim

Mbrëmë në orët e vota janë vrarë dy persona në fshatin Plloqicë të Malishevës.

Sipas një njoftimi të Policisë së Kosovës, patrullat policore menjëherë kanë dalë në vendin e ngjarjes dhe kanë konfirmuar se dy persona (vëllezër) në rrethana ende të pasqaruara janë plagosur me armë zjarri në afërsi të shtëpisë së tyre, përcjell albinfo.ch.

Të plagosurit fillimisht janë dërguar në QKMF-Malishevë ku është konstatuar vdekja e njërit nga viktimat, ndërsa viktima e dytë ka ndërruar jetë gjatë rrugës për në QKUK.

Viktima janë: Sh.M., kosovar/shqiptar, lindur më 1973, si dhe B,M, kosovar/shqiptar, lindur më 1984.

“Të gjitha njësitë relevante policore përfshirë edhe prokurorin e shtetit kanë dalë në vendin e ngjarjes dhe janë duke ndërmarr të gjitha masat e nevojshme policore për identifikimin dhe arrestimin e kryesve të mundshëm të veprës penale”, thuhet në njoftimin e Policisë.

Lidhur me motivet e mundshme të këtij akti kriminal deri më tani ato janë të panjohura.