Më 15 tetor mbahet Panairi i Bizneseve Shqiptare në Austri

Panairi i Bizneseve Shqiptare në Austri është njëri prej eventeve kryesore të Rrjetit të Bizneseve

Pas dy vjetësh pauzë shkaku i pandemisë, rikthehet më 15 tetor Panairi i Bizneseve Shqiptare në Austri.

Shumë biznese të reja, por edhe ato tashmë me traditë të pjesëmarrjes në panair, do të jenë pjesë e këtij eventi, i cili është një nga ngjarjet më kryesore që organizon Rrjeti i Bizneseve Shqiptare në Austri, raporton albinfo.at.

Lajmin për këtë organizim e kanë bërë të ditur Rrjeti i Bizneseve me anë të faqes së tyre në Facebook, “Albanian Global Diaspora Business”.

“Panairi i Bizneseve Shqiptare në Austri është njëri prej eventeve kryesore të Rrjetit të Bizneseve.
Gjatë ditës, (v.j.me 15 tetor)  prezantohen bizneset e suksesshme shqiptare që veprojnë në Austri nga të gjitha fushat: ndërtimtari, arkitekturë, gastronomi, turizëm, IT, media, estetikë, automobilizëm etj.

Panairi është një festë për komunitetin tonë.
Andaj shënojeni në kalendarin tuaj. Do të ketë edhe shumë befasi!”, thuhet në njoftim.

Adresa, në të cilën do të mbahet panairi është:

Museum Quartier, Museumplatz1, 1070 Wien

Data: 15 tetor 2022

Kohëzgjatja: 09:00 – 18:00

Hyrja për vizitorë: Pa pagesë

 

Për t’u informuar më gjerësisht rreth pjesëmarrjes së kompanive të interesuara për panair, mund të klikoni në këtë link:

 

http://www.rrjeti.at/panairi/

 

 

 

---