Vjena, sërish qyteti më i mirë në botë

Nju Jorku, Londra, apo Parisi mund të dominojnë kur është fjala për modën, jetën e natës, por për të jetuar qyteti më i mirë në botë është Vjena.

Kryeqyteti austriak ofron cilësinë më të lartë të jetesës nga të gjitha qytet tjera në botë, dhe për të shtatën herë radhazi ai zgjidhet si qyteti më i mirë në botë. Kjo është bërë e ditur nga studimi i firmës konsulentë Mercer, më seli në SHBA. Vjena është vendosur në krye të një rënditje që përfshin 229 qytete, raporton oe24.at, përcjell “albinfo.ch”.

Në top 10 qytetet më të mira për të jetuar gjenden shumica e qyteteve evropiane. Pas Vjenës, në vendin e dytë radhitet Cyrihu i Zvicrës, ndërsa më pas Auklandi i Zelandes së re. Në mesin e 10 qyteteve të para, tri nga to janë qytetet gjermane: Munihu, Dyseldorfi dhe Frankfurti të cilët gjenden në vendin e 4,6 dhe 7, kurse në vendin e 8-të është Gjeneva. Në këtë listë, Tirana gjendet në vendin e 197-të, ndërsa i fundit është Bagdadi i Irakut.

Vlerësimi i këtyre qyteteve është bërë në bazë të qëndrueshmërisë politike, sistemit shëndetësor, arsimit, krimit, rekreacionit dhe transportit.

Popullsia 1.8 milionëshe e Vjenës përfiton nga kultura e kafeneve dhe muzeve të qytetit, teatrot dhe operat.