Kosova
Vetëvendosja, Limajt: S’kemi faj pse ke abuzuar në qeverisje

Meqenëse ditë më parë, kryetari i Nismës Socialdemokrate, Fatmir Limaj, hodhi akuza ndaj Lëvizjes Vetëvendosje, duke thënë se po t’iu ndodhte atyre kjo që i ndodhi partisë së tij, do ta kallnin Prishtinën.
Kjo pasi që, sipas Limajt, partia e Kurtit nuk po i kundërshton votat e ardhura me postë nga Serbia, e të cilat ia pamundësuan koalicionit NISMA/AKR/PD kalimin e pragut.
Nga kjo ka reaguar deputetja më e votuar e legjislaturës së ardhshme, Albulen Haxhiu, nga Lëvizja Vetëvendosje.
Ajo ka thënë se Vetëvendosje, në zgjedhjet e vitit 2014 dhe 2017, i ka kundërshtuar votat e ardhura nga Beogradi, atëherë kur, sipas saj, Fatmir Limaj nuk e thoshte asnjë fjalë për këtë gjë.
“Anëtarët tanë në Komisionin Qendror të Zgjedhjeve qysh në fillim të procesit zgjedhor kanë kontestuar certifikimin e Listës Serbe, një subjekti politik që kontrollohet nga Beogradi. Megjithatë, ndonëse e kemi kontestuar, ky subjekt politik është certifikuar nga KQZ. Më tutje dy herë radhazi dhe jo vetëm në këto zgjedhje, por edhe në 2014-ën e edhe në 2017-ën kemi kundërshtuar kontrabandiminin e votave nga Serbia, fatkeqësisht kemi qenë të vetëm në kërkesat tona”, ka thënë Haxhiu për Gazeta Blic.
Po ashtu, sipas Haxhiut, Vetëvendosje në këto zgjedhje kishte qenë kundër certfikimit të Listës Serbe nga ana e KQZ-së, në mënyrë që kësaj partie t’i pamundësohet garimi në zgjedhjet e 6 tetorit.
Për një gjë të tillë, Haxhiu thotë se nuk e morën mbështetjen as të Fatmir Limajt.
Haxhiu shkon edhe më tej, duke ia kujtuar Fatmir Limajt se kishte qenë ai i cili ka qenë në qeveri me Listën Serbe, duke thënë se vetëm kur mbeti jashtë pragut zgjedhor, po i duket problem kjo parti.
“Fatmir Limaj sapo ka dalë nga koalicioni me Listën erbe. Asnjëherë nuk e kontestoi, as ai, as partia e tij Listën Serbe. Tani kur qytetarët vendosen që partia e tij të mbetet jashtë pragut, fajet për këtë nuk i ka Lëvizja, por keqqeverisja abuzive e Nismës gjatë mandatit dyvjeçar. Tek tani kur mbeti jashtë pragut, po i duket problem Lista Serbe, por kjo nuk është parimore. Prandaj mesazhin që i kanë dhënë qytetarët, le ta marrin seriozisht. Akuzat e paqëndrueshme ndaj Lëvizjes, nuk i bëjnë punë”, ka thënë në fund Albulena Haxhiu, përcjell albinfo.ch.
Të ngjashme
Të tjera nga Kosova
E-Diaspora
-
Britani
Çifti Bujupi fiton 600 mijë euro në lotarinë britanike: Do ta ndihmoj nënën në Kosovë Fat i madh për çiftin Bujupi në Britani: 600 mijë euro në loto...
-
Orkestra Simfonike e TKOBAP-së mahnit në Festivalin “Respighi Bologna 2025”
-
Bern
Shoqata “Bashkimi” në Bern organizon festë për 28 Nëntorin
-
Kosova, e vetmja përfaqësuese e librit shqip në Panairin e Frankfurtit
-
Ekspozitë: “Migracioni – E ardhmja në retrospektivë”
Jeta në Austri
-
Kërkesat për azil në Austri bien me 32% në vitin 2025 Austria regjistroi 13,032 kërkesa për azil në vitin 2025, një rënie prej 32% krahasuar me të...
-
Vjenë: 200 ankesa të paraqitura kundër supermarketeve për zbritje mashtruese
-
Mashtrues në Vjenë: Paraqiten si punonjës uji për të vjedhur apartamente
-
Tronditëse: Foshnje e porsalindur gjendet e vdekur në çatinë e një garazhi në Graz
-
Rregulla të reja për punonjësit e pavarur në Austri nga viti 2026