Shqipëria
Veturat e vjetra në Shqipëri, shumica mbi 15 vjet
Sipas llojit të markës, në 6-mujorin e parë të 2024-ës kryesuan autoveturat e markës “Volkswagen” me 140,130 të tilla apo sa 19% e totalit të autoveturave të regjistrit kombëtar

Për periudhën janar-qershor 2024, sipas të dhënave Drejtorisë së Përgjithshme të Shërbimit të Transportit Rrugor në Shqipëri, totali i mjeteve që rezultojnë me status “aktiv” ose “të çregjistruara përkohësisht” në regjistrin kombëtar është 914,925 mjete. Të regjistruara për janar-qershor 2023 ishin gjithsej 828,306 mjete.
Nga totali i mjeteve për janar-qershor 2024, në regjistrin kombëtar numri i autovetuarave arriti në 738,299. Krahasuar me të njëjtën periudhë të vitit të kaluar numri i autoveturave u shtua 11%, transmeton albinfo.ch.
Për 6-mujorin e parë të 2024-ës autoveturat me moshë mbi 15 vjet përbëjnë 73% të numrit gjithsej të autoveturave me status “aktiv” ose “të çrregjistruara përkohësisht”. Numri i autoveturave për grupin mbi 15 vjet për janar-qershor ishte 541,210 autovetura, sipas të dhënave të DPSHTRR-së. Krahasuar me të njëjtën periudhë, numri i tyre është rritur 11%.
Numri i autoveturave 9 deri 15-vjeçare për janar-qershor 2024 ishte 149,677 autovetura. Numri i tyre u shtua rreth 2%. Në flotën e autoveturave ato zunë 20% të totalit.
Ndërsa numri i autoveturave të moshës 5 deri 8 vjet për janar-qershor 2024 ishte 27,672 autovetura apo 57% më shumë se më 2023. Në flotën e autoveturave ato zunë rreth 4% të totalit për periudhën janar-qershor 2024.
Autoveturat e reja, me moshë nga 0 deri 4 vjet ishin 19,730. Krahasuar me vjet, numri i tyre është rritur 33%. Në totalin e makinave të regjistruara ato zënë 2,6%.
Në flotën e autoveturave të tipologjisë me kambio manuale zunë pjesën më të madhe 56,2% të totalit të tyre që rezultojnë me status “aktiv” ose “të çregjistruara përkohësisht” për 6-mujorin e parë të 2024-ës.
Numri më i lartë i mjeteve rrugore është regjistruar në qarkun e Tiranës duke zënë 35% ndaj mjeteve rrugore gjithsej të regjistruara në vend. Më pas numri më i lartë i autoveturave për janar-qershor 2024 ishte në Durrës me 102,290 autovetura apo rreth 14% të totalit. E ndjekur nga qyteti i Fierit ku autoveturat zënë 9% të totalit në rang vendi dhe më pas në Shkodër ku zënë 7%.
Sipas llojit të markës në 6-mujorin e parë të 2024-ës, kryesuan autoveturat e markës “Volkswagen” me 140,130 të tilla apo sa 19% e totalit të autoveturave të regjistrit kombëtar. E ndjekur më pas nga marka Mercedez benz me një flotë prej 133,137 autoveturash, duke zënë 18% të totalit.
E-Diaspora
-
Promovim libri në Konsullatën e Kosovës në Cyrih Promovohet libri “Kundrime Letrare” i autorit Mërgim Bekteshi, botim i Shtëpisë Botuese “Littera”...
-
Shqiptari, në listën e të kërkuarve nga Europoli, për vrasjen e bashkatdhetarit
-
Volkteswil: Të dielën zhvillohet turneu i shkollave shqipe në futboll
-
Mërgimtari arrestohet në SHBA pasi hipi në aeroplan me armë
-
Numërohen rreth 62% e zarfeve të diasporës, kryeson PS me 65 mijë vota
Jeta në Austri
-
Qiraja e re, rregulla të reja: Si funksionojnë zgjatjet e kontratave të qirasë në Austri? Rinovimi i kontratës së qirasë në Austri nuk është gjithmonë i thjeshtë – nga afatet ligjore...
-
Çmimi i arit mund të arrijë në afro 300 euro për gram, deri në vitin 2030
-
Tradita e pushimeve: Ku do të shkojnë austriakët në verën e 2025?
-
Austri: Buxheti i ri sjell rritje të ndjeshme tarifash për qytetarët
-
Pesë mënyra se si mund të kurseni para kur blini ushqim në Austri