Kosova
Vetëvendosje organizon “marshim për bashkim”
Lëvizja Vetëvendosje, qendra në Shqipëri, ka paralajmëruar një marsh më 28 Nëntor, për siç thonë ata, bashkim kauzash me hapa drejt integrimit kombëtar.
Lëvizja Vetëvendosje, qendra në Shqipëri, ka paralajmëruar një marsh më 28 Nëntor, për siç thonë ata, bashkim kauzash me hapa drejt integrimit kombëtar.
Përmes një postimi në Facebook, ku edhe e kanë bërë njoftimin për marshin, ata thonë se shqiptarët nuk e kanë luksin ta shohin 28 Nëntorin si festë, shkruan GE, përcjell albinfo.ch.
Sipas tyre, 28 Nëntori është projekt i pazbatuar, është datë e cila përkujton shpalljen e Pavarësisë për një Shqipëri të begatë, për të cilën dhanë gjithçka heronjtë kombëtarë.
Por, Vetëvendosje thotë se sot Shqipëria nuk është e begatë, e as shqiptarët nuk janë të bashkuar.
“Prandaj, 28 Nëntori është projekt i gjallë, që thërret për ndryshime sociale, ekonomike dhe politike, për rritje të sigurisë e për përparim shoqëror. Këto synime kërkojnë të ecet me hapa konkretë integrues, mes Shqipërisë e Kosovës. Ky integrim do të rrisë cilësisht demokracinë, do të zhvillojë ekonominë, do të forcojë shtetformimin, dhe do të përmirësojë ndjeshëm pozitën e shqiptarëve autoktonë në trojet e tjera dhe të atyre që jetojnë në mërgim. 28 Nëntori, data që na kujton se për sa kohë jemi të ndarë, nuk arrijmë dot begati, zhvillim e siguri”, thonë ata.
Sipas Vetëvendosjes, pavarësia pa sovranitetin e brendshëm fillon t’i përngjajë një guaske të boshatisur.
Përmes Facebookut, ata thonë se demokracia nuk ka kuptim tjetër përveç sovranitetit, dhe sovraniteti është mundësia e një populli për të zhvilluar vetveten.
Sipas tyre, çështja kombëtare nuk është togfjalësh folklorik, ceremonial e ritual, i zbrazur nga përmbajtja, por ajo është drejtësi e mohuar aktuale dhe historike, sa ç ‘është edhe projekt për të ardhmen e afërt.
E-Diaspora
-
Gjermani
Lionela Jakaj në finalen e “The Voice Kids”, 14-vjeçarja shqiptare synon fitoren në Austri Finalja e madhe zhvillohet të premten më 3 prill në ora 20:15, ku fituesi do të... -
Suedi
Muaji i Frankofonisë në Stokholm shënohet me aktivitete kulturore nga Ambasada e Kosovës -
Spanjë
Orkestra “Amadeus” triumfon në Spanjë, fiton çmimin kryesor “Grand Prix” -
Londër
Hapet shkolla e dytë shqipe në Manchester -
Presidentja Osmani i ndan mirënjohje gazetarit veteran, Rexhep Rifati
Jeta në Austri
-
Gjermani
Lionela Jakaj në finalen e “The Voice Kids”, 14-vjeçarja shqiptare synon fitoren në Austri Finalja e madhe zhvillohet të premten më 3 prill në ora 20:15, ku fituesi do të... -
Afër Pashkëve, 8,300 lepuj ngordhin në trafikun rrugor në Austrinë e Poshtme -
Edhe Austria ndalon Rrjetet Sociale për fëmijët nën 14 vjeç -
Austri
Në Parlamentin e Austrisë, të premten mbahet konferenca „Kosova në BE“ -
Tragjedia e Vjenës: I lënduari është Nazmi Muharremi – flet vëllai që ia shpëtoi jetën















