Vetëm Hysri Halimi e Arta Veseli ia dolën të rizgjedhen në Gjenevë

Në mesin e 24 kandidatëve me emra shqiptarë, sa ishin kandiduar për zgjedhjet lokale, që u mbajtën të dielën e kaluar, më 15 mars 2020, nëpër komunat e Gjenevës, vetëm Hysri Halimi është rizgjedhur për një mandat të ri 5- vjeçar në Komunën e Meyrin-it, përderisa në Komunën e Onex-it është Arta Veseli, nga partia e te Gjelbërve.

Edhe pse Partia Socialdemokrate PS kishte një ngritje të moderuar, ndërsa të Gjelbrit kishin ngritjen edhe më të madhe, megjithëse  kandidatët e komunitetit shqiptar që zakonisht kandidojnë në këto dy subjekte politike dolën humbës.

Arsyet ishin të ndryshme, por për herë të parë kemi vërejtur kandidime të bashkombësve tanë edhe te partia e ekstremit të djathtë (UDC-ja) dhe disa parti të tjera të djathta, si CVP, PLR, Vert’Liberal etj.

Një shpërndarje e votave në këtë mënyrë dhe moskoordinimi i kandidatëve për ta shtuar njëri-tjetrin në listën e tyre, mungesa e një marrëveshjeje paraprake për votim me listën neutrale, si e quajnë këtë metodë votimi, ku mund të votosh vetëm personat që dëshiron t’i votosh, janë disa nga arsyet e një debakli të tillë.