WhatsApp-i i ri, mund të mos funksionojë pas 1 janarit te disa celularë

Një version i ri i WhatsApp do të ndalojë së funksionuari në shumë aparate celular nga 1 janari 2021.

Pajisjet e vjetra Android dhe iPhone nuk do të suportojnë versionin e fundit të aplikacionit, duke i detyruar përdoruesit të ndryshojnë  sistemin e tyre operativ celular ose të blejnë një smartphone të ri.

Çdo iPhone që nuk ekzekuton  versionin iOS 9 ose më të ri, ose çdo telefon që nuk ekzekuton të paktën Android 4.0.3 nuk do të mund të hapë aplikacionin në pronësi të Facebook, shkruan The Independent, përcjell Albinfo.ch.

Kjo do të thotë që të gjitha modelet e iPhone deri në iPhone 4 nuk do të jenë në gjendje të mbështesin WhatsApp.

iPhone 4S, iPhone 5, iPhone 5S, iPhone 6 dhe iPhone 6S  kanë dalë në treg të gjithë para iOS 9, megjithatë përdoruesit ende mund të përditësojnë sistemin operativ nëse ende nuk e kanë bërë.

Shumica e dy miliardë përdoruesve të WhatsApp në gjithë botën nuk do të preken nga ndryshimi, megjithëse ka të ngjarë të përfshijë disa miliona njerëz në gjithë botën.

Telefonat Android që do të humbasin programin e WhatsApp përfshijnë Samsung Galaxy S2, HTC Desire dhe LG Optimus Black.

Ju mund të shihni se çfarë programi përdor celulari juaj duke kontrolluar seksionin e cilësimeve. Për përdoruesit e iPhone, kjo mund të gjendet në Cilësimet-Të përgjithshme-Përditësimi i softuerit.

Telefonat që do të humbin mbështetjen e WhatsApp më 1 janar 2021:

iPhone 1-4

Samsung Galaxy S2

HTC Desire

LG Optimus Black

Motorola Droid Razr

Çdo Android i lëshuar para vitit 2010.

---