Vendi më i mirë për të jetuar në botë ka nevojë për punëtorë të huaj

Pa të huajt Danimarka nuk do të mund të “luftojë” mungesën e fuqisë punëtore

Danimarka është vendi më i mirë për të jetuar në botë, tregon një vlerësim i përgatitur nga Michael D. Porter i Harvardit, shkruan “Bloomberg”.

Anketa merr në konsideratë faktorë të tillë, si qasja në internet, banimi me çmime të përballueshme, shëndeti dhe liria e shprehjes.

Rezultatet tregojnë se paratë nuk janë çelësi i lumturisë. Shtetet e Bashkuara, të cilat kanë një GDP më të lartë për kokë banori se Danimarka, figurojnë në vendin e 18-të, sipas studimit.

Qeveria e Danimarkës pranon se megjithatë vendi përballet me një numër sfidash. Ekonomia po lufton për shkak të mungesës së profesionistëve të kualifikuar.
Një pjesë e problemit është se Danimarka ishte bërë shumë e rreptë ndaj të huajve.

Mediat lokale janë të mbushura me shembuj të ligjeve të rrepta të imigracionit. Një prej tyre është astrofizikani danez, i cili ka dështuar për të filluar një jetë të re në vendin e tyre me gruan e tij që është nga Shtetet e Bashkuara të Amerikës, përcjell albinfo.ch.

Për shkak se qeveria ka një qëllim të qartë – për të tërhequr fuqi të kualifikuar të punës, ligjet të cilat pengojnë qasjen në tregun danez të punës nuk janë më të dëshirueshme.
Danimarka qeveriset nga një koalicion i pakicës të qendrës së djathtë, e cila mban pushtetin me mbështetjen e partisë daneze antiemigracion. Grupi, i mbështetur nga rreth një e pesta e elektoratit, synon që Danimarka të aplikojë kontrolle kufitare, në kundërshtim me marrëveshjen e Shengenit për lirinë e lëvizjes dhe për të ndaluar pranimin e refugjatëve.

Partia Liberale, e cila është në pushtet në 12 prej 16 vjetëve të fundit, ka forcuar rregullat e emigracionit. Ndryshimet përfshijnë një reduktim të mbështetjes financiare për azilkërkuesit dhe pengojnë marrjen e shtetësisë nga të huajt.

Pa të huajt Danimarka nuk do të mund të “luftojë” mungesën e fuqisë punëtore.

Ekonomia daneze është ende duke u rimëkëmbur pas rënies së tregut të patundshmërive dhe krizës globale financiare. Rritja këtë vit dhe vitin e ardhshëm pritet të stabilizohet në 1.7%, krahasuar me 1.3% në vitin 2016. Pa marrjen e masave, rritja ekonomike në  2-3% do të jetë e vështirë.