Vendet e Ballkanit „filtrojnë“ refugjatët

Vendet e Ballkanit kanë filluar filtrimin e fluksit të refugjatëve në Evropë, duke lejuar kalimin vetëm për ata që largohen nga zonat e konfliktit nga Lindja e Mesme dhe Afganistani, ndërsa refugjatët e tjerë si emigrantë ekonomikë kthehen mbrapa.

Ky veprim la qindra njerëz të bllokuar në tokën e askujt. Në kufirin serb me Kroacinë rreth 400 refugjatë ishin të bllokuar në hyrjen në vendet anëtare të BE-së, sipas UNHCR-së.

Qindra refugjatë janë bllokuar në tokën e askujt midis Maqedonisë dhe Greqisë, zyrtarët maqedonas nuk mendojnë për ngritjen e gardhit. Në Ministrinë e Punëve të Brendshme të Maqedoniës thanë se aktualisht nuk po punojnë në ngritjen e gardhit në kufirin me Greqinë, por në pastrimin e terrenit.

Thirrjet për më shumë kontrolle janë shtuar sidomos pas shpërthimeve në Paris, pasi informacionet flasin se njëri nga sulmuesit e dyshuar ishte infiltruar në mesin e refugjatëve, të cilët kaluan përmes rrugës ballkanike.