Kosova

Vdes 26-vjeçari pas hedhjes nga kati i pestë i konviktit në Prishtinë

E diel, 3 Maj 2020 - 18:40 albinfo.ch

Keystone/ QENDRA E STUDENTEVE

Është bërë e ditur se një person 26-vjeçar ka vdekur si pasojë e hedhjes nga kati i pestë i njërit prej konvikteve, ku po qëndronte në karantinë, përcjell albinfo.ch.

Lajmin e ka konfirmuar zëdhënësi i Policisë, Daut Hoxha.

“Më 03.05.2020, rreth orës 17:20, ekipet e emergjencës dhe Policia kanë shkuar te Qendra e Studenteve dhe një person është përcjellë me autoambulancë në drejtim të Klinikës Emergjente. Njësitet e policisë dhe forenzika kanë dalë në vendin e ngjarjes dhe pas procedurave hetimore do të sqarohen rrethanat e tjera”, ka thënë ai.

Zyrtarisht në një përgjigje për koha.net QKUK ka konfirmuar se ka vdekur një pacient që është dërguar nga Qendra e Studentëve, por nuk kanë dhënë detaje të tjera.