Vazhdon trendi i rritjes në Zvicër: 2250 raste të reja dhe 23 të vdekur

Mesatarja e 7 ditëve është  ngritur kështu në 1859 ose 15 për qind më shumë se në javën e kaluar

Në Zvicër po vazhdon trendi i rritjes së numrit të të infektuarve nga koronavirusi, i nisur rreth një muaj më parë. Zyra Federale e Shëndetit Publik ka raportuar sot 2,250 raste të reja që kanë rezultuar pozitive me koronavirus në 24 orët e fundit.

Mesatarja e 7 ditëve është  ngritur kështu në 1859 ose 15 për qind më shumë se në javën e kaluar, raporton srf.ch. Trendi aktualisht po tregon rritje.

Me trendin aktual, mesatarja 7-ditore e infeksioneve të reja dyfishohet afërsisht çdo 34 ditë. Incidenca 14-ditore aktualisht është 279.58.

Shkalla mesatare 7 ditore e pozitivitetit 7 aktualisht është 5.6 përqind, transmeton albinfo.ch. Krahasuar me javën e kaluar, norma pozitive ka mbetur e njëjtë.

Numri i testimeve në një mesatare 7-ditore është 36,425 teste në ditë dhe kështu është rritur me 7 për qind krahasuar me javën e mëparshme.

BAG raporton 23 raste të reja të vdekjeve nga Covid-19 Mesatarja 7 ditore është 8 të vdekur, që është 16 për qind më shumë se në javën e kaluar.

Aktualisht BAG raporton 926 persona të cilët janë duke u trajtuar në spitale për Covid-19. Kjo është 13 për qind më shumë se në javën e kaluar.

Shtretërit e kujdesit intensiv të certifikuar në spitalet zvicerane janë aktualisht 84.0 përqind të zëna, përcjell albinfo.ch. Ndërsa, po u llogaritën edhe shtretërit ad-hoc, niveli i shfrytëzimit është 75.0 për qind. Nga këta, 17 për qind janë të zënë nga të sëmurët nga Covid 19.

---