Vazhdon protesta e “Vetëvendosjes” kundër fusnotës

Protestuesit kanë larguar rrethojat dhe kanë thyer kordonin e policisë

 Kjo ka ardhur pas bisedës disa minutëshe dhe të pasuksesshme të udhëheqësve të lëvizjes “Vetëvendosje” me përfaqësues të policisë së Kosovës, të cilëve u është kërkuar heqja e rrethojave.

Protestuesit ndodhen para hyrjes së objektit të qeverisë së Kosovës për të kundërshtuar marrëveshjet e arritura ndërmjet Kosovës dhe Serbisë.

Policia e Kosovës në një njoftim për media ka bërë të ditur se protesta e organizuar nga “Vetëvendosje” është e paligjdhme.

Sipas Policisë së Kosovës, në këtë protestë deri në këto moment po marrin pjesë rreth 600 persona.

Paraprakisht Policia e Kosovës ka përgatitur planet operative policore për menaxhimin e situatës së sigurisë dhe sipas tyre, deri në këto momente gjithçka është nën kontroll dhe nuk ka intervenuar në ndonjë rast.

E ndërkohë, Kryesia ka refuzuar kërkesën për seancë të jashtëzakonshme.

“Na është thënë se vetëm Presidenti, Kryeministri ose 40 nënshkrime të deputetëve mund të thërrasin seancë“ , thënë kryetari i grupit paralamentar të VV-së Visar Ymeri.

 13:20 – Vazhdon protesta e “Vetëvendosjes” kundër fusnotës

Para ndërtesës së Qeverisë së Kosovës, ka nisur demonstrata e Lëvizjes “Vetëvendosje” kundër fusnotës së pranuar nga Qeveria në bisedimet me Serbinë.Qytetarë të thirrur nga kjo parti janë mbledhur dhe sipas planit për 4 orë do të bllokojnë punën e Qeverisë së Kosovës.Gjithashtu “Vetëvendosje”, ka bërë të ditu se ka mbledhur 15 mijë nënshkrime për të kërkuar një seancë të jashtëzakonshme për marrëveshjen

11:31 – Sot demostron “Vetëvendosje”

“Vetëvendosje” u ka bërë thirrje qytetarëve të Kosovës që t’i bashkohen demonstratës së tyre me moton “Kosova Republikë” kundër marrëveshjes për përfaqësimin e Kosovës në nismat rajonale përmes fusnotës dhe heqjes së Republikës.

Poashtu ka ftuar edhe deputetët e Kuvendit që të nënshkruajnë kërkesën e iniciuar nga ta për seancë të jashtëzakonshme, kundër kësaj marrëveshjeje.

Sipas “Vetëvendosjes”, demonstrata do të fillojë në orën 12:00 në sheshin “Nëna Terezë”, para Qeverisë së Kosovës.

Ato do ta pezullojmë plotësisht punën e Qeverisë për katër orë rresht. Gjatë kësaj kohe do të qëndrojmë rreth e rrotull Qeverisë për ta realizuar një gjë të tillë.

“Vetëvendosje” i ka bërë thirrje Policisë së Kosovës 　që të mos i bllokojë rrugët, trotuaret, autobusët , mos t’i konfiskojë pankartat e tyre dhe të mos i provokojë demonstruesit.

   

---