VAR, edhe në Ligën e Kampionëve, pas fazës së grupeve

Sistemi VAR do të përdoret edhe në Ligën e Kampionëve. Kjo është vendosur në mbledhjen e Komitetit ekzekutiv të UEFA-s, të mbajtur sot në Dublin. Sistemi Var do të fillojë të përdoret këtë sezon në Champions nga faza e mënjanimit direkt, që nis në mesin e muajit shkurt, shkruan albinfo.ch

Përveç Ligës së Kampionëve, sistemi VAR do të përdoret në finalen e Ligës së Evropës në Baku të Azerbajxhanit, në finalet e Ligës së Kombeve në Portugali dhe në Kampionatin Evropian U21 në Itali. VAR-i është pjesë edhe e ligave të mëdha evropiane si Serie A, Bundesliga dhe La Liga, ndërsa në sezonin e ardhshëm do të aplikohet edhe në Premier ligë.