Financa
Rënie rekorde e valutave evropiane
Valutat evropiane po pësojnë rënie rekord, ndërkohë që lufta në Ukrainë ka marrë vrull, duke nxitur tregtarët makro që të shesin shumicën e aktiveve më likuide.
Euro ra poshtë paritetit me frangun zviceran në ditën e hënë, që është hera e parë në atë nivel që prej janarit 2015, kur investitorët ishin të shqetësuar për aneksimin e Krimesë nga Rusia.
Zlota polake dhe forinti i Hungarisë ranë në nivelet më të ulëta të të gjitha kohëve kundër euros. Çdo valutë e Evropës Lindore ka rënë kundër dollarit në javën e kaluar, drejtuar nga humbjet e rublës, shkruan Scan, transmeton albinfo.ch.
Analistët thonë se nuk është e mundur të gjykohet se kur valutat evropiane do të ndalojnë rënien, nëse nuk ka të sinjale për fundin e sulmit rus në Ukrainë.
Sipas tyre, valutat e vendeve pranë luftës janë shitur nën panik, duke marrë parasysh se do të jenë më të ndikuarat nga sanksionet e Rusisë.
Megjithatë, asnjë valutë evropiane nuk është kursyer në rënien e fundit, me vetë euron, valutën e dytë më të tregtuar në botë, që ka rënë me 5% këtë muaj.
Euro ra me 0.5% në 1.0873 kundër dollarit, pasi administrata e Biden sinjalizoi se po konsideron të ndalojë importet e naftës nga Rusia. Kundër frangut zviceran, euro tregtohej në nivel rekord të ulët prej 0.9972, duke humbur paritetin.
Rubla sinjalizohej në rënie me 11% në 137.44 për dollar, në tregtimet offshore.
Analistët thonë se duke marrë parasysh varësinë e Evropës nga nafta ruse, euro mund të bjerë drejt 1.06 kundër dollarit. Frangu zviceran, nga ana tjetër, blihet kryesisht në periudha të panikut botëror, pasi konsiderohet si aktive e sigurt.
Vendet lindore të Bashkimit Evropian kanë shtuar ndërhyrjet në treg për të mbrojtur valutat e tyre nga shitja nën panik. Banka Qendrore e Çekisë shiti valutë të huaj në tregtinë e fundit të javës së kaluar, duke iu bashkuar autoritetit monetar në Poloni, që ndërhyri për të tretën herë në 1 javë.
Banka Qendrore e Zvicrës theksoi se është gjithashtu gati të ndërhyjë dhe të trajtojë frangun që po fuqizohet.
Të ngjashme
Të tjera nga Financa
E-Diaspora
-
Në 50 vitet e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Arrestohen këngëtarët shqiptarë në një “Bajram party”, në Zvicër
-
Shtetasja zvicerane arrestohet në Viti për shkak të kërcënimeve
-
SH.K.A “Dardania” përfaqëson Shqipërinë e Kosovën në Festivalin në Winterthur
Jeta në Austri
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku Lidhja Demokratike e Kosovës organizon takim informues me Eurodeputetin Lukas Mandi, kandidat në zgjedhjet EU2024 që...
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri